Acıbadem шифохоналар тармоғида биз эпилепсияни даволаш ва серебрал фалажни даволашдан тортиб, бош мия ўсмасини ва ривожланишнинг туғма нуқсонларини, шунингдек, бошқа касалликларни даволашгача бўлган болалар нейрохирургиясининг комплекс хизматларини тақдим этамиз.
Болалар нейрохирургияси ноёб мутахассислик ҳисобланиб, бутун дунё бўйлаб кам сонли нейрохирургларнинг фаолияти фақат болаларни даволашга қаратилган. Acıbadem шифохоналар тармоғи болалардаги неврологик касалликларни даволашда барча талабларга ва стандартларга жавоб беради. Ҳар йили Acıbadem шифохоналар тармоғининг болалар нейрохирургияси бўлими дунёнинг турли бурчакларидан келган 600 нафардан ортиқ болаларда операцияларни муваффақиятли амалга оширади. Шифохонамиз дунёнинг фақат айрим марказларида фойдаланиш мумкин бўлган комплекс даволашни эпилепсия ва серебрал фалажга чалинган беморларга тақдим этади.
Болаларда эпилептик хуружларни тўхтатиш
Эпилепсия болаларда тез-тез учрайдиган мураккаб ҳолатдир. Касаллик сабабсиз тутқаноқларни келтириб чиқаради ва ҳаёт сифатини сезиларли даражада пасайтиради. Гарчи эпилепсияни даволашда тутқаноқларни олдини олиш учун даставвал дори терапияси қўлланилса-да, беморларнинг 30 фоизида хуружлар давом этади. Бундай ҳолларда эпилепсияга қарши барча турдаги препаратларни қўллашга уринишларга қарамай, даволаш кутилган самарани бермайди.
Бундай беморлар учун эпилепсияни жарроҳлик йўли билан даволаш ижобий натижаларни бериши мумкин. Аммо ушбу операциядан қайси болалар фойда кўришини баҳолаш жуда муҳимдир. Шифохонамизда 3 Tesla аппаратида бош мияни батафсил МРТ ни, зарур бўлганда PET-сканерлашни амалга оширамиз. Шунингдек, болалар миясидаги ғайриоддий фаоллик ва электр импулсларини доимий равишда кузатиб бориш учун 48 соат давомида ЭЕГ бўлимида қолганларида, видео-ЭЕГ мониторингини ўтказамиз. Ушбу баҳолашга асосланиб, операция бемор учун фойдали деб ҳисобланса, унинг учта асосий тури мавжуд:
- Резексия жарроҳлиги, бунда миядаги тутқаноқни келтириб чиқарувчи жароҳат олиб ташланади.
- Миянинг ярим шарлари орасидаги эпилептик фаолликнинг тарқалиши тўсиладиган ажратиш операцияси.
- Сайёр нервни стимуляция қилиш, бунда мия сигналларини тартибга солиш ва тутқаноқни келтириб чиқарадиган электр импулслари тарқалишини олдини олиш учун бош мияда электродлар ва стимулятор жойлаштирилади.
Натижада, ҳар бир бемор учун тўғри жарроҳлик ёндашувини танлаб, эпилепсияга чалинган болаларда тутқаноқларнинг частотаси ва интенсивлигини назорат қилиш, камайтириш ёки бутунлай тўхтатиш мумкин бўлади. Дунё бўйлаб фақат кам сонли шифохоналар эпилепсияни жарроҳлик усулида даволашни таклиф қилади, чунки бунда махсус диагностика асбоблари ва замонавий жарроҳлик услублари талаб этилади. Бундан ташқари, тиббий мутахассислар жамоаси таркибида эпилепсия жарроҳлигига ихтисослашган болалар нейрохирурги, шунингдек, эпилепсияга чалинган беморлар билан мулоқотда бўладиган, “эпилептолог” деб номланувчи болалар неврологи бўлиши лозим.
Эпилепсияда кетогенли парҳез терапияси
Acıbadem тиббиёт марказларида эпилепсияни даволашда комплекс ёндашувни қўллаймиз. Жарроҳлик усулларидан ташқари, дори-дармонга чидамли эпилепсияни даволашнинг махсус воситаси сифатида кетоген парҳезни киритамиз. Парҳез углеводлар кам, етарлича оқсил ва кўп миқдорда ёғлар мавжуд маҳсулотларни таркибига олади. Барча маҳсулотлар граммда тортилади ва махсус формулалар қўлланилади. Терапиянинг самарадорлигини таъминлаш учун парҳез мобайнида қондаги шакар даражаси ва кетонлар мунтазам равишда назорат қилинади. Ушбу ёндашувда хуружларнинг частотасини, оғирлигини ва давомийлигини камайтириш ва ҳаттоки, кундалик ҳаётда улардан бутунлай озод қилиш мумкин.
Серебрал фалажга чалинган болаларнинг ҳаёт сифати ва мустақиллигини ошириш
Серебрал фалаж тананинг ҳаракатига, қоматга, мушакларни уйғунлигига ва баъзи ҳолларда когнитив қобилиятларга таъсир қилувчи неврологик бузилиш ҳисобланади. Болалар серебрал фалажининг энг кенг тарқалган аломати спастикликдир. Бу мушакларнинг қотиши, таранглашуви ва беихтиёр қисқаришига олиб келади. Ушбу касалликка чалинган болалар кўпинча юришда қийналадилар ва ҳаракатлари назоратсиз бўлади.
Acıbadem шифохоналар тармоғида биз мушакларнинг баланд тонусини, қотишини ва оғриқни камайтириш, бир пайтнинг ўзида ҳаракатни, мувозанатни ва ҳаракат кўникмаларини яхшилаш учун жарроҳлик давосини ва болалар реабилитациясининг махсус дастурларини таклиф этамиз. Натижада, ушбу беморларнинг ҳаёт сифати яхшиланиши ва кўпроқ мустақилликка эришишлари мумкин бўлади.
Серебрал фалажни даволашнинг турли хил жарроҳлик усуллари мавжуд. Ҳар бир болага комплекс ташхис қўйилгандан сўнг, шифокорларимиз унинг ўзига хос эҳтиёжларини ҳисобга олиб даволаш режасини ишлаб чиқадилар.
Ушбу беморларни даволашнинг энг яхши усулини танлаш учун болалар нейрохирурглари, болалар неврологлари, ортопедлар, физиотерапевтлар ва рентгенологлардан иборат жамоа биргаликда беморларни кўрикдан ўтказади, уларнинг ҳолатини муҳокама қилади ва индивидуал даволаш стратегиясини тузади.
Башарти спастиклик тананинг фақат бир қисмига дахл қилса, ботулотоксин инексияси ва селектив нейротомия даволашнинг самарали усули бўлиши мумкин. Умумий спастикликни даволаш учун селектив дорсал ризотомия, паллидотомия ва баклофен помпасини имплантацияси қўлланилиши мумкин.
- Ботулиник токсин – спастикликни блокировка қилиш учун седасия ва ултратовуш назорати остида спастик мушаклар ичига юбориладиган препаратдир.
- Селектив нейротомия - спастик мушакни иннервация қилувчи айрим нерв тутамларини деактивация қилишдир. Одатда, ботулиник токсин маҳаллий спастикликни даволаш учун етарли бўлмаганда қўлланилади.
- Селектив Дорсал Ризотомия (СДР) – спастикликни келтириб чиқарадиган орқа миянинг сезгир нервлари «ўчириб» қўйиладиган муолажа. Бу сенсорли киришни камайтиради ва спастикликни пасайишига олиб келади.
- Интратекал баклофен помпаси қорин соҳасига жарроҳлик йўли билан имплантасия қилинган помпа орқали антиспастик дорини бевосита орқа мия суюқлигига етказади.
- Паллидотомия оғир ҳолатларда беморга ёрдам кўрсатиш ва оғриқни енгиллатиш учун ишлатилиши мумкин.
Ушбу муолажалар Acıbadem шифохоналар тармоғининг болалар нейрохирургияси бўлимларида мавжуд ва 25 йил давомида бутун дунёдан 2000 нафарга яқин болаларда бажарилган.
Серебрал фалажга чалинган болаларда физиотерапиянинг муҳимлиги
Физиотерапия ва реабилитация серебрал фалажни даволашнинг муҳим таркибий қисмлари ҳисобланиб, энг яхши натижаларга эришиш учун кўпинча операциядан олдин ёки кейин талаб қилинади. Acıbadem шифохоналар тармоғида серебрал фалажга чалинган болаларга тиббий ёрдам кўрсатишга махсус мўлжалланган ихтисослаштирилган физиотерапия бўлими мавжуд.
Туркиядаги Acıbadem шифохоналарида даволанишга оид ўзингизни қизиқтирган барча саволлар юзасидан Acıbademънинг Тошкент, Самарқанд ва Бухородаги ваколатхонасига мурожаат қилишингиз мумкин:
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
Телефон: +998 95 144 54 45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
Телефон: +998 66 234 41 71
Бухородаги ваколатхонамизнинг манзили: Академик I. Муминов кўчаси, 7.
Телефон: +998 55 311 54 44
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Facebook ва Instagram саҳифаларига аъзо бўлишингиз мумкин.
Реклама ҳуқуқи асосида.
Изоҳ (0)