Тошкент вилояти Бекобод шаҳрида жойлашган “Ўзметкомбинат” АЖ ишчиси ўзини осиб қўйди. Бу ҳақда Бош прокуратура матбуот котиби “Дарё”га маълум қилди.
Қайд этилишича, 17 апрель куни соат 09:00 ларда шаҳар ИИБ навбатчилик қисмига келиб тушган хабарга кўра, 53 ёшли К.Ш. ўз иш жойи яъни, “Ўзметкомбинат” АЖга қарашли “Навли прокат бўлими”нинг омборхонасида ўзини осиб, жонига қасд қилган.
Марҳумнинг ўлим сабабини аниқлаш юзасидан суд-тиббий экспертизаси тайинланган бўлиб, экспертизанинг дастлабки маълумотномасига кўра, К.Ш.нинг ўлимига бўйин аъзолари сиртмоқ билан қисилиши натижасида юзага келган механик асфиксия сабаб бўлганлиги кўрсатилган.
Шунингдек, шаҳар кўп тармоқли поликлиникасининг маълумотномаларига асосан марҳум психиатр ва нарколог рўйхатида турмаслиги аниқланган. Ҳодиса жойидан ашёвий далил сифатида марҳум ўзини осишда фойдаланган 1,5 метр бўлган арқон олинган.
Ҳозирда мазкур ҳолат юзасидан шаҳар прокуратураси томонидан терговга қадар текшириш ҳаракатлари олиб борилмоқда.
Апрель бошларида Наманган вилоятининг Янгиқўрғон туманида 43 ёшли эркак шифохонада ўзини осиб қўйгани тўғрисида хабар берилганди. Аниқланишича, шу куни марҳум турмуш ўртоғининг чақирувига асосан туман ИИБ профилактика инспектори томонидан кўп миқдорда спиртли ичимлик истеъмол қилиб, кўп қаватли уй атрофида маст ётганлиги сабабли ҳушёрлантириш мақсадида марказий шифохонадаги ҳушёрхонага олиб борилиб, у ерга ётқизилган.
Изоҳ (0)