Mobiuz Андижон, Наманган ва Фарғона вилоятларида 5G нинг янги имкониятларини очмоқда

Mobiuz мобил алоқа оператори Андижон,Наманган, Фарғона ва Қўқон шаҳарларида 5G тармоғини ишга туширганини эълон қилди.

Бу Ўзбекистон Республикаси давлат мустақиллигининг 34 йиллиги арафасида вилоят аҳолиси ва меҳмонлари учун алоҳида совғадир. У компаниянинг нафақат замонавий технологияларни жорий этишга, балки Ўзбекистоннинг келажагини шакллантиришга интилишини ифодалайди. Бу келажакда технологиялар тараққиётнинг асосига айланиб, миллионлаб одамларнинг бизнеси, таълими ва мулоқоти учун янги имкониятлар яратади.

Рақамли экотизим сари

Очиқ манбалардан олинган маълумотларга кўра, Фарғона вилоятида 4 миллиондан зиёд, Андижон вилоятида 3,3 миллиондан, Наманган вилоятида 3 миллиондан ортиқ аҳоли истиқомат қилади. Бундай аҳоли зич жойлашган ҳудудларда 5G тизимининг ишга туширилиши жуда катта аҳамиятга эга: бу ҳар бир киши юқори тезликдаги интернет имкониятларидан фойдалана оладиган янги рақамли экотизимни яратиш йўлидаги қадамдир.

Лойиҳа жорий йилнинг март ойида бошланди ва Mobiuz тармоқларини модернизация қилишнинг асосий босқичларидан бирига айланди. Олти ой ичида мутахассислар жамоаси нафақат илғор ускуналарни ўрнатди, балки уларни фойдаланувчиларнинг ҳақиқий эҳтиёжларига мослаштирди ҳам. Бугун Андижон, Наманган, Фарғона, Қўқон аҳолиси янги авлод - барқарор, тез ва ишончли алоқасидан фойдаланмоқда.

5G имкониятлари

5G янги имкониятлар очмоқда: у катта юкламаларда ҳам юқори тезликдаги интернет, онлайн ўйинлар ва видео қўнғироқларда минимал кечикишларни таъминлайди, сифатли онлайн анжуманлар, рақамли бизнес ва онлайн таълимни ривожлантириш имконини беради. Янги авлод тармоғининг афзалликларидан фойдаланиш учун қуйидагилар зарур:

• 5G ни қўллаб-қувватлайдиган смартфонга эга бўлиш;
• қурилма созламаларида 5G режимини ёқиш;
• Mobiuz мобил иловасида 5G алоқасини фаоллаштириш (https://s.mobi.uz/asii) ёки *223*1# комбинациясини териш.

“Технологиялар инсонларга хизмат қилади”

Mobiuz бош директорининг техника ва IT бўйича ўринбосари Абдураҳмон Абдураҳмонов таъкидлайди:

“Компаниямиз ташаббуслари замирида сифатли алоқа янги ғояларни туғдиради ва одамларни бирлаштиради, деган ишонч ётади. Фарғона водийсида 5G нинг ишга туширилиши шунчаки янги тезлик даражаси эмас, балки миллионлаб аҳоли ўз салоҳиятини намоён эта оладиган келажак сари қўйилган қадамдир. Биз учун технологиялар одамларга хизмат қилиши, уларнинг ривожланишига кўмаклашиши ва янги ютуқларга илҳомлантириши муҳимдир.”

Mobiuz бешинчи авлод тармоғи қамровини (https://company.mobi.uz/ru/zones/) кенгайтиришда давом этади. Компания одамларни бирлаштириш, ҳар бир инсоннинг имкониятларини кучайтириш ва рақамли Ўзбекистон келажагига ҳисса қўшишни стратегик вазифа деб билади.

Реклама ҳуқуқи асосида.