Тошкент шаҳар Чилонзор туманида учта автомобиль тўқнашиб, ЙТҲ содир бўлди. Бу ҳақда ЙҲХБ ахборот хизмати хабар берди.
Келтирилишича, 18 сентябрь куни соат 00:30 ларда Чилонзор тумани КҲАЙ—Қатортол кўчалари чорраҳасида 1993 йилда туғилган К.Д. бошқарувидаги Nexia-2, 2003 йилда туғилган Й.А. бошқарувидаги Malibu-1, 1995 йилда туғилган Ш.А. бошқарувидаги Cobalt тўқнашиши оқибатида йўл-транспорт ҳодисаси содир бўлган.
Ҳодиса натижасида Cobalt русумли автомашина ҳайдовчиси тан жароҳат олган. Ҳолат юзасидан Тошкент шаҳар ЙҲХБ масъул ходимлари томонидан суриштирув ҳаракатлари олиб борилмоқда.
Бундан аввал Қашқадарёда “КамАз” орқа тиркамаси чиқиб кетиши оқибатида учта транспортга бориб урилгани ҳақида хабар берилганди. Шунингдек, Тошкентда Cobalt йўл четидаги темир тўсиққа урилиб айланиб кетган эди. Мазкур ЙТҲда автомашинанинг айланиб кетиши натижасида ҳайдовчи эшикдан отилиб чиқиб кетган. Ҳайдовчи тирик ва тан жароҳати олган, холос.
Изоҳ (0)