Исроилда 400 мингдан ортиқ одам урушни тўхтатишга қаратилган намойишларда қатнашмоқда. Бу ҳақда The Guardian нашри хабар қилди.
“Бугун урушни ҲАМАС мағлубиятисиз тугатишга чақираётган одамлар нафақат ҲАМАСнинг позициясини кучайтирмоқда, балки гаровга олинганларнинг озод бўлиш муддатини ҳам чўзмоқдалар. Ғазо Исроил учун хавф туғдирмаслигини таъминлаш учун ҲАМАСни мағлуб этишимиз керак”, деган Исроил бош вазири Биньямин Нетаньяху.
Норозилик куни исроиллик гаровга олинган оилалар тарафдорлари томонидан чақирилган бўлса-да, намойишлар кўлами кескин ошиб кетди.

Плакатларда ўтган йилнинг октябрь ойида гаровга олиниб, вафот этган Ҳерш Голдберг-Полиннинг ўлимига ишора қилувчи белгиларни чизилган. Белгиларда Полиннинг отаси томонидан айтилган “Хотирангиз инқилоб бўлсин” ёзувини кўриш мумкин.
Ғазодаги уруш жиноятлари айбловлари билан халқаро жиноий суд томонидан қидирилаётган Нетаньяху эса Исроил мухолифати етакчиси Яир Голан томонидан айтилганидек “нафас олаётганда ёлғон гапирадиган” одам сифатида қаттиқ танқид қилинди.
“Нетаньяху қандай ғалаба қозонишни билмайди ва гаровга олинганларни озод қилиш нияти ҳам йўқ. Унга ўз ўриндиғига ёпишиб олиш ва тергов комиссиясидан қочиш учун абадий уруш керак”, деган мухолифат етакчиси.

Фаластин Соғлиқни сақлаш вазирлиги душанба куни Ғазодаги 22 ойлик урушда 62 мингдан ортиқ фаластинлик ҳалок бўлганини маълум қилди.
Маълумотларга кўра, охирги 24 соат ичида камида 60 киши ҳалок бўлди, 2023 йил 7 октябрда бошланган Исроил-ҲАМАС уруши қурбонлари сони 62 004 кишига етди. Яна 156 230 киши яраланган.
Таъкидлаш жоиз, намойишлар шу ой бошида Исроил Вазирлар маҳкамасининг Ғазо шаҳрида янги ҳарбий операция ўтказиш тўғрисидаги қарори ортидан бўлиб ўтмоқда.
Изоҳ (0)