Бугун, 5 август куни соат 18:44 да Қирғизистонда содир бўлган зилзила таъсири Ўзбекистоннинг қатор ҳудудларида сезилди. Бу ҳақда Сейсмопрогностик мониторинг республика маркази хабар тарқатди.
Маълум қилинишича, Қирғизистонда 6 баллик зилзила содир бўлган. Унинг Ўзбекистон ҳудудида сезилиш кучи турлича кечган. Масалан, Андижон вилоятида 4 балл, Наманган вилоятида 3 балл, Фарғона вилоятида 3 балл зилзила бўлган. Тошкент шаҳри ва вилоятида ҳам 2 баллик ер силкиниши кузатилган. Зилзила эпицентри Тошкентдан 292 километр шимоли-шарқда, Қирғизистоннинг Жалолобод ҳудудига тўғри келган.
Таҳлил қилинишича, зилзила магнитудаси 5,2 бўлган. Бу нисбатан кучли, осон сезиладиган ва кичик шикастлар етказиши мумкин бўлган кучланишдир.
Қирғизистонда бўладиган зилзилалар одатий ҳолга айланган. Бундан авал ҳам бир неча бор қўшни давлатда содир бўлган ер қимирлашлари Ўзбекистон ҳудудларига кичик кучланишларда сезилиб турган.
Аввалроқ 9 июль куни Ўзбекистонда 4 баллик зилзила содир бўлгани хабар қилинганди. Ўшанда зилзила эпитцентри Тошкентдан 422 км жануби-ғарбда бўлган. Эпитцентрда сезилиш кучи 4 баллни ташкил этган.
Изоҳ (0)