АҚШнинг Огаё штатида 16—20 июнь кунлари АҚШ Металл, Минераллар ва Материаллар Ташкилоти томонидан ТМS Speciality Congress 2024 жаҳон конгресси ташкил этилди.
Ушбу конгрессда аэрокосмик, машинасозлик ва илғор материаллар бўйича дунёнинг кўзга кўринган ташкилотлари, корхоналар ва таълим даргоҳлари, жумладан, NАSA, GЕ Aviation, Массачусеттс Технологиялар Университети, Станфорд Университети, Оак Ридге Миллий Лабораторияси каби ташкилотларидан жами 300 нафардан ошиқ олимлар иштирок этди.
Ушбу Жаҳон Конгресси АҚШ Металл, Минераллар ва Материаллар Ташкилоти томонидан ҳар икки йилда бир марта ўтказилади. Бунда асосан дунёнинг турли мамлакатларидан аэрокосмик, нефть-газ, оғир саноатдаги янги ва илғор материаллар бўйича илмий ишлар ва янгиликлар билан иштирок этади. Ушбу Конгрессда бу йил биринчи марта ўзбекистонлик олимлар ҳам қатнашди.
Конгрессда ўзбекистонлик олимлар якуний босқичда “Ёрдамчи элементларни Ni асосли суперқотишмаларнинг механик хусусиятлари ва микроструктуравий ўзгаришига таъсири” мавзусида илмий ишлари билан Элёржон Жумаев, Орифжон Михлиев, Дилшодбек Усмонов ва Сарвар Розихўжаев иштирок этди.
Ушбу кашфиётнинг аҳамиятли тарафи шундан иборатки, ҳозирги кунда долзарб ҳиҳобланган янги турдаги замонавий материалларни лаботория намуналарини корхоналарда ишлаб чиқаришга интеграция қилишнинг йўллари ёритиб берилган. Уларнинг механик хусусиятларини сақлаган ҳолда, нано ўлчамда структуравий ўзгаришлари ҳақида баён этилди.
Ушбу иштирок ўзбек материалшунос олимларни дунё миқёсида ўз ўрнига эга эканлигининг яна бир намунасидир.
Маълумот учун, ушбу тадбирда ўз илмий кашфиёти билан иштирок этган Элёржон Жумаев, техника фанлари доктори, дунёнинг кўзга кўринган ташкилотлари, жумладан, Hyundai Моторс, Samsung, NASA ва Оак Ридге Миллий Лабораториялари лойиҳаларида фаолият юритган ёш ўзбек олимидир. У ҳозирги кунда дунё олимлари қаторида ўз ўрнига эга бўлиб, 350 дан ошиқ янги турдаги материалларни кашф қилган, 7 дан ортиқ халқаро патент ва 10 дан зиёд дунёнинг етакчи журналларида илмий мақолалари чоп этилган.
Изоҳ (0)