“Толибон” расмийлари Ўзбекистондан Термиздаги умумий бозорда концерт ва мусиқий дастурларни бекор қилишни сўради. Бу ҳақда манбаларга таяниб, Atlaspress хабар берди.
Акс ҳолда Афғонистон фуқароларига ушбу умумий бозорга киришга рухсат этилмайди. Термиздаги қўшма чегара бозорига Афғонистон фуқаролари визасиз бориши мумкин. Ташриф буюрувчилар учун мусиқа дастурлари ташкил этилиб, кечалари ўзбек санъаткорлари ҳам концерт берган ҳолатлар бўлган.
“Толибон” мусиқий дастурлар ўтказилишига қарши ва Ўзбекистон ҳукуматидан бундай дастурларни ўтказишга йўл қўймасликни сўраган, дейди манбалар.
Август ойида Сурхондарё вилоятида Термиз халқаро савдо маркази ўз ишини бошлади. “Толибон” ва Ўзбекистон ўртасидаги келишувга кўра, Афғонистон фуқаролари ушбу бозорда визасиз 15 кун давомида қолиб, саёҳат қилиши мумкин.
Изоҳ (0)