“Tolibon” rasmiylari O‘zbekistondan Termizdagi umumiy bozorda konsert va musiqiy dasturlarni bekor qilishni so‘radi. Bu haqda manbalarga tayanib, Atlaspress xabar berdi.
Aks holda Afg‘oniston fuqarolariga ushbu umumiy bozorga kirishga ruxsat etilmaydi. Termizdagi qo‘shma chegara bozoriga Afg‘oniston fuqarolari vizasiz borishi mumkin. Tashrif buyuruvchilar uchun musiqa dasturlari tashkil etilib, kechalari o‘zbek san’atkorlari ham konsert bergan holatlar bo‘lgan.
“Tolibon” musiqiy dasturlar o‘tkazilishiga qarshi va O‘zbekiston hukumatidan bunday dasturlarni o‘tkazishga yo‘l qo‘ymaslikni so‘ragan, deydi manbalar.
Avgust oyida Surxondaryo viloyatida Termiz xalqaro savdo markazi o‘z ishini boshladi. “Tolibon” va O‘zbekiston o‘rtasidagi kelishuvga ko‘ra, Afg‘oniston fuqarolari ushbu bozorda vizasiz 15 kun davomida qolib, sayohat qilishi mumkin.
Izoh (0)