“Тошкент метрополитени” ДУК фаррош аёл иш вақтида гул олгани учун маоши “қирқилгани” айтилган хабарларга муносабат билдирди.
Ижтимоий тармоқларда метрополитен фаррош ходимига иш вақтида йўловчилардан бири гул тақдим этилгани ва шу сабабдан ушбу ходимнинг ойлик маошидан огоҳлантириш тарзида кесилгани юзасидан хабарлар тарқалди.
Қайд этилишича, видео материалдаги ходим Алишер Навоий бекатида 1,5 йилдан буён фаолият олиб борувчи Назарова Ҳилола исмли фаррош бўлиб, унга нисбатан ушбу ҳолат юзасидан ҳеч қандай огоҳлантириш ҳамда ойлик маошидан жарима белгиланмаган.
Шу ўринда ижтимоий тармоқ фойдаланувчиларидан бу каби ўз тасдиғини топмаган маълумотларни тақдим этмасликларини ва бунга қонунчиликда белгиланган тартибда жавобгарлик борлигини эслатиб ўтамиз, — дейилади муносабатда.
Аввалроқ Бухоро вилоятида севган қизига кутилмаган совға қилмоқчи бўлган вайнер жаримага тортилгани, Оиладаги зўравонликни тарғиб қилувчи видео олган вайнерларга суд ҳукми ўқилгани тўғрисида хабар берилганди.
Изоҳ (0)