“Toshkent metropoliteni” DUK farrosh ayol ish vaqtida gul olgani uchun maoshi “qirqilgani” aytilgan xabarlarga munosabat bildirdi.
Ijtimoiy tarmoqlarda metropoliten farrosh xodimiga ish vaqtida yo‘lovchilardan biri gul taqdim etilgani va shu sababdan ushbu xodimning oylik maoshidan ogohlantirish tarzida kesilgani yuzasidan xabarlar tarqaldi.
Qayd etilishicha, video materialdagi xodim Alisher Navoiy bekatida 1,5 yildan buyon faoliyat olib boruvchi Nazarova Hilola ismli farrosh bo‘lib, unga nisbatan ushbu holat yuzasidan hech qanday ogohlantirish hamda oylik maoshidan jarima belgilanmagan.
Shu o‘rinda ijtimoiy tarmoq foydalanuvchilaridan bu kabi o‘z tasdig‘ini topmagan maʼlumotlarni taqdim etmasliklarini va bunga qonunchilikda belgilangan tartibda javobgarlik borligini eslatib o‘tamiz, — deyiladi munosabatda.
Avvalroq Buxoro viloyatida sevgan qiziga kutilmagan sovg‘a qilmoqchi bo‘lgan vayner jarimaga tortilgani, Oiladagi zo‘ravonlikni targ‘ib qiluvchi video olgan vaynerlarga sud hukmi o‘qilgani to‘g‘risida xabar berilgandi.
Izoh (0)