Ўзбекистон ўсмирлар терма жамоаси сентябрь ойида Испанияда ўқув-машғулот йиғини ўтказади. U-17 Жаҳон чемпионатига тайёргарлик вазифасини ўтаб берувчи йиғинда Исломбек Исмоилов бошчилигидаги жамоа бир нечта учрашувлар ўтказади. Бу ҳақда Ўзбекистон Футбол Ассоциацияси матбуот хизмати хабар берди.
Унга кўра, Ўзбекистон U-17 жамоаси йиғин доирасида халқаро турнирда иштирок этади ва 2025 йилги U-17 Жаҳон чемпионати иштирокчилари — Англия, Канада ҳамда Марокаш ўсмирлар терма жамоаларига қарши майдонга тушади.
3 сентябрь
Англия — Ўзбекистон
6 сентябрь
Канада — Ўзбекистон
9 сентябрь
Марокаш — Ўзбекистон
Эслатиб ўтамиз, Ўзбекистон ўсмирлар терма жамоаси Жаҳон чемпионатида Парагвай, Панама ва Ирландия вакилларига қарши баҳс олиб боради.
Маълумот учун, Ўзбекистон U-17 терма жамоаси Саудия Арабистони майдонларида ўтган Осиё Кубогида чемпионликни қўлга киритиб, 2025 йилнинг 3–27 ноябрь кунлари Қатарда бўлиб ўтадиган U-17 Жаҳон чемпионати йўлланмасини қўлга киритди.
Изоҳ (0)