“Шайтанат” сериалидаги Георг Манукян образи орқали танилган актёр, Ўзбекистонда хизмат кўрсатган артист, режиссёр ва педагог Михаил Каминский 27 май куни 72 ёшида вафот этди. Бу ҳақда Ўзбекистон Кино арбоблари ижодий уюшмаси хабар берди.
Михаил Каминский 1953 йилда туғилган. У узоқ йиллик ижодий фаолияти давомида Россия ёш томошабинлар театри ва Тошкентдаги Горкий номидаги рус театрида актёр бўлиб ишлаган. У “Илҳом” театрининг яратилишида муҳим ўрин тутган. 1998 йилдан “Аладдин” театрининг бадиий раҳбари, 2022 йилдан эса Тошкентдаги ВГИК филиалида актёрлик маҳорати бўйича устахона раҳбари сифатида фаолият юритган.
Каминский кинодаги фаолияти давомида “Етти ҳайкал битта кал”, “Шайтанат”, “Бағдодда тинчлик”, “Назира”, “Қўрғошин” каби фильмларда рол ижро этган.
Изоҳ (0)