Шавкат Мирзиёев Қозоғистоннинг “Олтин қирон” (“Олтин бургут”) ордени билан тақдирланди. Бу ҳақда Президент матбуот хизмати хабар берди.
Маълум қилинишича, бу Қозоғистоннинг олий давлат мукофоти бўлиб, Ўзбекистон етакчисига президент Қосим-Жўмарт Тўқаев тантанали равишда топширди.
Шавкат Мирзиёев кўп миллатли Ўзбекистон халқи номидан миннатдорлик билдириб, бундай юксак мукофот икки халқнинг кўп асрлик чинакам дўстлик ва яхши қўшничилик ришталарини мустаҳкамлаш борасидаги биргаликдаги саъй-ҳаракатларига берилган баҳо, шунингдек, Ўзбекистон ва Қозоғистон муносабатларини янги тарихий босқич — стратегик шериклик ва иттифоқчилик даражасига олиб чиқиш борасидаги муштарак интилишларнинг эътирофи эканини таъкидлади.
“Олтин қирон” олий ордени билан давлат арбоблари Қозоғистон билан дўстона муносабатларни мустаҳкамлашга қўшган улкан ҳиссаси учун тақдирланади.
Изоҳ (0)