Саудия Арабистонининг энг кучли клубларидан бири — “Ал-Ҳилол” Англиянинг “Ньюкасл” клуби ҳужумчиси Александр Исакка молиявий томонлама катта шартнома таклиф қилди. Бу ҳақда The Guardian нашри хабар бермоқда.
Манбага кўра, Саудия клуби швед футболчисига ҳафтасига 600 минг фунт стерлинг миқдорида маош таклиф қилган, ушбу суммадан солиқ олинмаслиги алоҳида таъкидланган. Бундан ташқари, риёдликлар томонидан Исакка турли бонуслар ва қўшимча имтиёзлар ҳам ваъда қилинган. Бироқ ҳозирча футболчи бу борада бир қарорга кела олмаяпти.
Исакка Англия Премьер Лигасининг яна бир гранд клуби — “Ливерпуль” ҳам жиддий қизиқиш билдирмоқда. Бироқ мерсисайдликлар футболчига “Ал-Ҳилол”ники каби катта шартномани таклиф қила олмайди. Шунингдек, “Ньюкасл” томонидан футболчи учун сўралаётган катта миқдордаги товон пули — 120 миллион фунт стерлинг (тахминан 140 миллион евро) ҳам “Ливерпуль” учун жиддий тўсиқ бўлиб турибди.
Маълумот учун, Александр Исак 2022 йил ёзида Испаниянинг “Реал Сосьедад” клубидан “Ньюкасл”га ўтган эди. Унинг амалдаги шартномаси 2028 йил ёзигача мўлжалланган. Transfermarkt портали Исакнинг трансфер қийматини 120 миллион евро атрофида баҳоламоқда.
Изоҳ (0)