Uzum Банк ва Visa Ўзбекистонда финтехни ривожлантириш учун стратегик ҳамкорликни кенгайтирмоқда. Банк экотизимдаги жисмоний ва IT-инфратузилмаси негизида Uzum Visa пластик карталаридан эрта фойдаланиш имкониятини очди.
Uzum виртуал картасидан Ўзбекистоннинг 70 000 мингдан ортиқ аҳолиси фойдаланади. Мижозларнинг бир қисми Uzum Банк иловасида жисмоний картага буюртма беришлари ва уни мамлакат бўйлаб 31 та шаҳар ва қишлоқда жойлашган Uzum Market топшириш пунктидан олиб кетишлари мумкин. Тез кунда Uzum пластик картасини барча фойдаланувчилар очиши мумкин бўлади, уни олиш учун Uzum Market топшириш пунктларининг сони ҳам кўпаяди. Пластик карта ёрдамида мижозлар харид учун янада қулай тўлов қилишлари ва нафақат Ўзбекистон, балки чет элда ҳам нақд пул ечиб олишлари мумкин. Visa технологияси тўловларнинг юқори тезлиги, қулай ва ишончли контактсиз тўлов ҳамда тезкор пул ўтказмаларини таъминлайди.
“Биз Ўзбекистонда финтех ечимларни илгари суриш учун Uzum Банк билан стратегик ҳамкорлигимизни кенгайтирмоқдамиз. Илғор технологиялар ва Visa экспертизасидан фойдаланган ҳолда фойдаланувчиларга энг замонавий ва ишончли тўлов воситаларини тақдим этишга интиламиз. Ушбу ҳамкорлик тезкор, қулай ва хавфсиз молиявий операциялар учун кенг имкониятлар эшигини очади ҳамда фойдаланувчиларга тўлов ва пул ҳаракати бўйича тўсиқсиз тажрибани тақдим этади”, сўзлаб берди Visaънинг Украина, Грузия, МДҲ давлатлари ва Жануби-Шарқий Европада катта вице-президенти ва ҳудудий менеджери Кристина Дорош.
“Visa халқаро тўлов тизими негизида Uzum карталарини чиқариш учун биз шахсий инфратузилмамизни ишга туширдик. У Uzum Банк маҳаллийлаштирилган эквайринги ва процессинги, Uzum Market топшириш пунктларига етказиш ва хавфсизлик талабларига биноан мижозларнинг рақамли идентификациясини ўзида бирлаштиради. Visa экспертизаси ва технологиялари бизга халқаро стандартларга мос келадиган ва Ўзбекистон аҳолиси эҳтиёжларига жавоб берадиган истиқболли финтех-маҳсулотларни яратиш имконини беради. Биз фойдаланувчиларга кундалик вазифаларни онлайн тарзда тез ва осон ечишга ёрдам бериш учун Uzum экотизимининг финтех асосини ривожлантирмоқдамиз. Бунда мижоз маҳсулотлар етказиб бериш учун пул тўлайдими, янги мавсум учун кийим-кечак буюртма қиладими ёки смартфонда микроқарз расмийлаштирадими — муҳим эмас”, изоҳ берди Uzum Насия бош директори Егор Абрамец.
Uzum финтех-сервислари Uzum Market маркетплейси негизидаги супераппга интеграция қилинган. Бунинг эвазига банк мижозлари Uzum экотизимининг барча афзалликлари ва махсус таклифларидан фойдаланиш имконига эга бўлишади.
Маълумот учун
Uzum Банк — Uzum миллий рақамли экотизимига тегишли интернет-банк. Uzum Банк ёрдамида миллионлаб фойдаланувчилар ўз маблағларини бошқаришлари: товарлар, хизматлар ва маиший хизматлар учун тўлов қилишлари, харидлардан кешбек ишлашлари, пул ўтказишлари ва нақд пул ечиб олишлари мумкин. Uzum Насия билан интеграция муддатли тўлов ва микроқарзлар учун 25 миллион сўмгача лимитдан фойдаланиш ва қулай тўлов қилиш, Uzum Market ва Uzum Tezkor билан интеграция эса Uzum экотизимининг қўшимча бонуслари ва афзалликларидан фойдаланиш имконини беради. 31 декабргача Uzum картадан Узcард ва Ҳумо карталарига 100 миллион сўмгача пул ўтказмалари — комиссиясиз, банк ичидаги ўтказмалар — доимо бепул.
Visa Инc. (NYSE: V) рақамли тўловлар саноатида халқаро етакчи саналади. Компаниянинг вазифаси энг инновацион, ишончли ва хавфсиз тўлов тармоғи ёрдамида дунёни бирлаштириш, бу фойдаланувчилар, бизнес ва иқтисодиётнинг тизимли ривожланишига хизмат қилади. Янги VisaНет глобал технологик тармоғи бутун дунё бўйлаб тўловларнинг ишончлилиги ва хавфсизлигини таъминлайди. Қўшимча маълумот олиш учун https://cis.visa.com/visa-in-uzbekistan.ҳтм сайтига ташриф буюринг
Шериклик ҳуқуқи асосида.
Изоҳ (0)