Қозоғистонда 2023 йилда 130 тонна, Ўзбекистонда 100 тонна олтин қазиб олинган. АҚШ Геология хизмати шундай маълумот берди, деб ёзмоқда “Tazabek.kg” нашри.
Қозоғистонда қазиб олиш ҳажми 2022 йилга нисбатан 15 тоннага кўпайган, Ўзбекистонда эса 4 тоннага камайган. Россияда 310 тонна олтин қазиб олиниб, бу ўтган йилги кўрсаткичга мос келади.
Умуман олганда, 2023 йилда жаҳонда 3 минг тонна олтин ишлаб чиқарилган бўлиб, бу 2022 йилга нисбатан 60 тонна камдир. Қирғизистонда олтин қазиб олиш ҳажми бўйича сўнгги баҳолашни АҚШ Геология хизмати ҳали эълон қилмаган. Уларнинг маълумотларига кўра, 2022 йилда Қирғизистонда 25,3 тонна олтин қазиб олинганди.
Ўзбекистон 2013—2023 йилларда олтин захираларини фаол ошираётган давлатлар рўйхатида олтинчи ўринни эгаллаб турибди. Ўн йил ичида Ўзбекистоннинг олтин захираси 154 тоннага ошган. Захираларни ошириш бўйича Россия етакчи бўлди — 1,3 минг тонна. Хитой 1,2 минг тонна билан иккинчи, Туркия эса 424 тонна билан учинчи ўринни эгаллади. Қозоғистонда олтин захиралари 151 тоннага ошган бўлиб, бу мамлакат дунё рейтингида еттинчи ўринда турибди.
Изоҳ (0)