Ҳиндистон 2024 йилнинг январь август ойларида 32,294 миллиард доллар, шу жумладан, август ойида 10,06 миллиард долларлик олтин импорт қилган.
Ҳиндистон Савдо ва саноат вазирлиги материалларига кўра, 8 ой ичида олтин импорти ўтган йилнинг шу даврига нисбатан 30 фоизга ошган.
Шу билан бирга, 2024 йил август ойида импорт 2023 йил август ойидаги харидлардан 2 баравар ва 2024 йил июлига нисбатан уч баравар кўп бўлди. Бу Ҳиндистон оммавий ахборот воситаларининг ҳисоб-китобларига кўра, тарихий рекорд ҳисобланади.
Ҳиндистоннинг савдо ва саноат комиссари ўринбосари Сунил Бартҳвал олтин импортининг ўсишининг сабабини баҳолади.
Олтин импорти ўсишининг асосий омиллари қаторига божларнинг камайиши, жаҳон олтин нархининг ошиши, шунингдек, байрам мавсуми олдидан қимматбаҳо металлар захираларининг тўпланиши киради, деди Сунил Бартҳвал.
Ҳиндистон дунёдаги энг йирик олтин истеъмолчиларидан бири бўлиб, деярли олтин ишлаб чиқармайди. 2024 йилнинг биринчи ярми якунига кўра, мамлакатга 19,103 миллиард долларлик салкам 305 тонна олтин импорт қилинган.
- Аввалроқ йил бошидан бери олтин нархи 23 фоизга ўсгани хабар берилганди.
- Чикаго товар биржасида 13 сентябрь куни бўлиб ўтган сўнгги савдоларда эса олтин бир троя унсия учун 2581,9 долларга ёки грамми учун 83 долларгача қимматлаган.
Изоҳ (0)