Дам олиш кунлари Ўзбекистонда қандай об-ҳаво бўлиши маълум қилинди

“Ўзгидромет” 27—29 сентябрь кунлари кунлари қандай об-ҳаво бўлишини маълум қилди.

Унга кўра, Ўзбекистон ҳудуди бўйича ҳаво бир оз булутли,  баъзи жойларда ўзгарувчан бўлади, ёғингарчилик кутилмайди.

Фақат Фарғона водийси вилоятларида 27 сентябрь, жума куни қисқа муддатли ёмғир ёғади ва Қашқадарё, Сурхондарё вилоятларида якшанба, 29 сентябрь куни кечга томон баъзи жойларда қисқа муддатли ёмғир ёғиши мумкин.

Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши, айрим жойларда чанг-тўзон билан кузатилиши мумкин. Ҳарорат кечалари 7-12 даража, кундуз кунлари 27 сентябрда 20-25 даража, 28 сентябрда 22-27 даража, 29 сентябрда 24-29 даража бўлади.

Тошкентда ёғингарчилик кутилмайди. Ҳарорат кечалари 9-12 даража, кундуз кунлари  27 сентябрда  23-25 даража , 28—29 сентябрда  25-28 даража бўлади. Шамол шарқдан 3-8 метр/секунд тезликда эсади.