Парвин Баби ҳар доим Болливуддаги энг ёрқин ролларни ижро этган. У худди қўғирчоқларники каби чиройли кўзлари билан бир зумда режиссёрларни ҳайратда қолдирган ва Ҳиндистондаги энг гўзал актриса ҳисобланган. Ҳаммаси бўлиб, Баби фильмографиясида 60 дан ортиқ рол мавжуд.
Парвин биринчи марта 1973 йилда, 19 ёшида фильмда рол ўйнаган. Орадан бор-йўғи 12 йил ўтиб, ижоднинг энг қизғин палласида актриса ўз карерасини тугатди ва шизофрения касаллигидан даволаниш учун АҚШга учиб кетди.
Афсуски, “Болливуд Барбиси” машҳурлик синовидан ўта олмади. Унга доим нафақат мухлислар, балки дунё махфий разведка хизматларининг агентлари ҳам кузатиб тургандек туюларди. Бундан ташқари, Баби спиртли ичимликлар билан жиддий муаммоларга дуч келди, шунинг учун у бир неча бор суратга олиш ишларини тўхтатди.
Кўп йиллар давомида Парвин ҳаётини ёпиқ реабилитация марказларида ўтказди, актрисага у ерда бўлиш хавфсизроқ эди. Аммо касаллик аломатларининг вақтинча заифлашуви вақтида Болливуд юлдузи Баби Нью-Йорк аэропортида тўпалон кўтарди. Шунингдек, кинодаги ҳамкасби Санжай Даттни судга берди, чунки у актёрни Бомбейдаги қатор портлашларда иштирок этган деб ҳисоблади.
1986 йилда Баби иштирокидаги сўнгги, “Енгилмас” фильми чиқди. Кўп ўтмай, актриса мухлислар эътиборидан четда қолди: чунки даволаниш туфайли у жуда семириб кетганди ва, умуман олганда, бутунлай бошқа одамга айланганди.
Парвин Баби узоқ йиллар ёлғизликда яшаб, 2005 йилда вафот этди. Собиқ кино юлдузи сўнгги кунларгача руҳий муаммолардан азият чекди, ҳаттоки охирги вақтларда овқатланишдан ҳам бош тортган. Маълум бўлишича, актриса озиб, силласи қуришдан вафот этган.
-TY54h0Jg.jpg)
Изоҳ (0)