“Ака-ука супер Марио кинода”, “Барби” ва “Ўргимчак одам: оламлар тўри” фильмлари 2023 йилда кино саноатида энг катта даромад олиб келган лойиҳалар бўлди. Бу ҳақда “Правила жизни” нашри хабар берди.
Мазкур рейтинг Deadline томонидан ўтган йилда юқори даромад келтирган лойиҳалар бўйича касса тушумлари таҳлили асосида тузилган.
Энг кассабоп топ-10 та фильмлар рўйхатини тузишда нафақат очиқ касса маълумотлари, балки Голливуддаги киностудиялар ва нашр манбаларининг маълумотлари ҳам инобатга олинди. Мазкур рейтинг фильмларнинг касса тушумлари ва соф фойда ҳажмига кўра тузилди. Яъни, рўйхатни ташкил этишда фильмни ишлаб чиқариш харажатлари, реклама тўловлари ҳамда бошқа қўшимча харажатлар ҳисобга олинмади.
Биринчи ўринни “Ака-ука супер Марио кинода”мультфильми эгаллади. Universal, Illumination ва Nintendo студиялари ҳамда лойиҳа муаллифлари 559 миллион доллар соф фойда олишди. Фильм кассада 1,36 миллиард доллар йиғишга муваффақ бўлди.
Режиссёр Грета Гервигнинг “Барби” фильми бир оз кўпроқ — 1,44 миллиард доллар даромад келтирган бўлса-да, фильм рўйхатда иккинчи ўринни эгаллади. Чунки унинг соф фойдаси 421 миллион долларни ташкил этди. Учинчи ўринни эса 328 миллион доллар соф фойда билан “Ўргимчак одам: оламлар тўри” фильми эгаллади.
2023 йилнинг энг кассабоп фильмлари рўйхати қуйидагича:
- “Ака-ука супер Марио кинода”;
- “Барби”;
- “Ўргимчак одам: оламлар тўри”;
- “Нинзя тошбақалар: Мутантлар қирғини”;
- “Оппенгеймер”;
- “Вонка”;
- “Taylor Swift: Тhе Eras Tour”;
- “Фредди билан беш кеча”;
- “Галактика қўриқчилари”;
- “Кучукчалар патрули: Мегафильм”.
Рейтингни тузишда фильмнинг умумий бюджети ҳам ҳисобга олинган. Шу сабабли лойиҳа билан муаллифларнинг ўзи шуғулланган “Taylor Swift: Тhе Eras Tour” рўйхатга киритилди.
Изоҳ (0)