Поп йўналишида ижод қилувчи дунёга машҳур хонанда Билли Айлиш Rolling Стоне нашрига берган интервьюсида сувга шўнғишдан ва денгиз китларидан жуда қўрқишини тан олди, деб ёзади Europaplus нашри.
22 ёшли истеъдодли хонанданинг айтишича, болалигида сузиш тўгаракларига қатнаган. Кунларнинг бирида Билли ўзининг тренери раҳбарлигида сувга шўнғиши керак эди. Мураббий унга “сувнинг тубига етиб борганда нима қилиш кераклигини ўзинг тушуниб ол”, деб айтган. Натижада қўрқиб кетган Биллини сув оқими олиб кетган ва унинг ҳаётини қутқарувчилар сақлаб қолган. Шу кундан бошлаб Билли сузиш машғулотларига қайта бормаган.
Билли Айлиш денгиз жонивори — китлардан ҳам жуда қўрқади:
“Мен табиатда китлар мавжудлигини ҳатто қабул ҳам қила олмайман. Бу мавжудотлар ўта баҳайбатлиги билан мени доим даҳшатга солган. Улар чиқарадиган товушдан эса мен қўрқувдан ҳушимни йўқотаман”, — дейди ёш хонанда.
Билли кўк рангни ҳам хуш кўрмайди.
“Кўп йиллар мобайнида сочларимни кўк рангга бўяб юрганим ҳам аҳмоқлик бўлса керак, ахир мен бу рангни ёқтирмайман-ку”, — деди хонанда.
Изоҳ (0)