А Серия. “Интер” сафарда “Наполи” устидан йирик ҳисобда ғалаба қозонди

Футбол бўйича Италия А Сериясининг 14-туридан ўрин олган ўйинда “Интер” 3 декабрь, якшанба куни “Наполи” меҳмони бўлди. 

Учрашувда ҳисоб биринчи бўлим охирида очилди. 44-дақиқада миланликлар футболчиси Ҳоқон Чалҳанўғлу ўз ҳисобига гол ёздириб қўйди. 

Иккинчи бўлимда “нераззури” устунлигини давом эттирди. 61-дақиқада Никола Барелла ҳисобни ишончли кўринишга олиб келди. 85-дақиқада эса Маркус Тюрам ўйинга сўнгги нуқтани қўйди.

Шу тариқа “Интер” “Наполи” устидан 3:0 ҳисобида ғалаба қозонди ва мусобақа жадвалида етакчиликни давом эттирмоқда.

А Серия

14-тур баҳси

3 декабрь, якшанба

“Наполи” – “Интер” 0:3

Голлар: 0:1 – 44 Чалҳанўғлу, 0:2 – 61 Барелла, 0:3 – 85 Тюрам.

“Наполи”: Мерет, Ди Лоренцо, Рраҳмани, Эстигор, Натан (Зербин, 87), Лоботка (Зелиньски, 75), Замбо-Ангисса, Элмаз (Линдстрем, 75), Политано (Распадори, 68), Кварасхелия, Осимҳен.

“Интер”: Зоммер, Думфрис (Куадрадо, 77), Дармиан (Биссек, 86), де Врей (Карлос Аугусто, 18), Ачерби, Димарко, Мхитарян (Фраттези, 77), Чалҳанўғлу, Барелла, Тюрам (Арнаутович, 86), Мартинес.

Огоҳлантиришлар: Элмаз (58), Рраҳмани (73), Дармиан (78), Тюрам (85).