Банк мижозлари учун kapitalbank.uz сайти орқали кредитларни тўлаш учун янги хизмат тури тақдим этилди. Онлайн усулда кредитларни тўлаш банк филиалига расман ташриф буюриш заруратини истисно қилади, бу эса мижозларнинг вақтини сезиларли даражада тежайди. Хизмат тури ҳар қандай банк карталари эгалари учун амал қилади.
“Kapitalbank” кредитларини тўлаш осон бўлиб қолди - энди буни ҳар қандай банкнинг банк картасидан kapitalbank.uz веб-сайти орқали амалга ошириш мумкин. Ва бу кредит тўловини амалга ошириш учун ҳозирда банкка боришга мажбур бўлган кўплаб мижозлар учун яхши янгиликдир. Сайт ҳар қандай банкнинг ҲУМО ва Узсард тўлов тизимлари карталари орқали тўловни амалга оширишни қўллаб-қувватлайди. Келажакда банк Виса ва Mastercard карталари орқали тўловни амалга оширишни ҳам қўллаб-қувватлайди. Янги хизмат тури комиссия тўловларини кўзда тутмайди, бироқ ҳисобдан чиқариш миқдори тўлов амалга ошириладиган картанинг тариф режасига боғлиқ бўлади. “Kapitalbank” карталари эгалари учун хизматлар комиссия тўловисиз амалга оширилади.
Бунинг учун kapitalbank.uz веб-сайтига киринг, “Кредит тўлаш” бўлимини танланг, қарз олувчининг кредит кодини киритинг. Тўлов бўйича маълумотлар ва ўтказиш учун зарур бўлган сумма реал вақт режимида акс эттирилади. Хизмат турининг ишончлилиги ва хавфсизлигини таъминлаш учун мижоз тўловни тасдиқлаш коди билан бирга SMS-хабарнома, шунингдек кредит тўлови учун маблағ киритилганлигини тасдиқловчи хабарномани олади.
— Онлайн хизмат турларининг ривожланиши, биринчи навбатда, мамлакатнинг барча минтақаларида ҳамма мижозларимизга тез ва сифатли хизмат кўрсатиш, шунингдек, фойдаланувчилар сонининг ошиши билан хизмат сифатини сақлаб қолиш имкониятидир, — дейди “Kapitalbank” Бошқарув раиси Кирилл Майевский. — Банк филиалига боришнинг ҳожати йўқ. Эндиликда кредит бўйича тўловни амалга ошириш учун интернетга уланган смартфон ёки компьютерга эга бўлишнинг ўзи етарли, демак 24/7 вақт давомида банк хизматига кириш мумкин.
Шуни эслатиб ўтамизки, Kapitalbank иловаси орқали кредитни муддатидан олдин ҳам ёпиш мумкин. Қўшимча маълумотни 1340 қисқа рақами орқали олиш мумкин.
Реклама ҳуқуқи асосида.
Изоҳ (0)