Геосиёсий ўзгаришлар, иқтисодий барқарорсизлик ва молиявий тебранишлар қуршовидаги замонавий дунёда жамғарилган пуллар қийматини сақлаб қолиш ҳар доимгидан ҳам муҳим бўлиб қолмоқда. Валюта курслари сонияларда ўзгариши мумкин бўлган ва давлатлар иқтисодиёти турли омилларга боғлиқ бундай барқарорсиз вазиятда ҳатто энг кичик маблағларни ҳам ишончли жойларда, аниқроқ айтганда банкларда сақлаш керак.
Банкдаги валюта жамғармалари глобал мавҳумлик шароитида маблағларни сақлаш ва кўпайтиришнинг энг оммалашган ва хавфсиз усулларидан бири ҳисобланади. Банклар маблағларни турли валюталарда сақлаш имкониятини таъминлаб, мижозларни курс ўзгаришлари ва маблағлар қийматини йўқотиш хавфидан ҳимоялайди.
InfinBANK АЖ Cҳакана бизнес департаменти директор ўринбосари Баҳодир Давронов билан биз нафақат банкдаги валюта жамғармалари афзалликлари, балки дунёдаги нобарқарорлик шароитида молиявий барқарорликка эришиш стратегияларини ҳам кўриб чиқамиз.
- Аввало, банк омонати нима?
- Банк омонати – бу сиз ва банк ўртасидаги келишув бўлиб, унинг доирасида сиз ўз пулларингизни маълум муддатга маълум шартлар асосида депозитга қўясиз. Соддароқ айтганда, мижоз жамғарган пулларини банкка маълум муддатга беради. Бунинг эвазига банк ушбу маблағлардан фойдалангани учун фоиз тўлайди. Омонатлар пулларингиз хавфсизлигини таъминлаш, уларни сақлаш ва ҳатто кўпайтириб, даромад олиш имкониятини тақдим этади.
- Омонат очишда нималарга эътибор қаратиш керак?
- Банкда омонат очар эканмиз, ҳар биримиз, ундан максимал фойда олишни хоҳлаймиз. Ва энг мақбул шартларга эга бўлиш учун қайси омонат турини танлаётганингизни аниқ тушунишингиз керак. Омонат турлари бир неча хил бўлади. Муддатли омонатлар бўйича шартномалар маълум муддатга тузилади, у тугагандан сўнг янги омонат очиш лозим. Талаб қилиб олингунча депозитлар сизга исталган пайтда пулларни чекловсиз қайтариб олиш имконини беради. Валюта омонатлари пулларни хорижий валютада, сўм омонатлари эса миллий валютада сақлашни кўзда тутади.
Бундан ташқари, омонат шартларига эътибор беринг. Омонатнинг энг кам миқдори, маблағларни сақлаш муддати, тўлдириш ёки қайтариб олиш имконияти ҳақида билиб олиш муҳим. Айрим омонат турларини улар амал қилган муддат давомида тўлдириб бориш мумкин, бошқаларида эса мумкин эмас, пулни қайтариб олишда ҳам худди шундай. Банк, шунингдек, тўлдириш учун минимал сумма белгилаши ёки маблағларни олишга доир чекловлар киритиши мумкин.
- Ўзбекистонда ҳисобни тўлдириш имкониятини тақдим этувчи омонатлар борми?
- Маҳсулотни ишлаб чиқишда ҳамма банклар ҳам мижозга ҳисобни тўлдириш имкониятини тақдим этиш ҳақида ўйламайди. Бошқача айтганда, бундан банк ҳар доим ҳам манфаатдор эмас. Таъкидламоқчиманки, ИнфинБанк жамоаси яқинда ишлаб чиққан ва ишга туширган "Инфин ишончли" валюта омонатининг асосий ўзига хослиги маблағларни қисман олиш ва дастлабки олти ойда чексиз тўлдириш имкониятидир.
- Сиз омонатни тўлдириш имконияти банк учун ҳар доим манфаатли эмас, дедингиз. Нима учун?
- Банклар доимо ўз хавфларини, айниқса, активлар ва мажбуриятлар билан боғлиқ хавфларни самарали бошқаришга интилади, тўлдириш имкониятини тақдим этиш эса ушбу жараённи мураккаблаштириши мумкин. Қўшимча тўлдириш катта ҳажмдаги маблағларни бошқариш заруратини вужудга келтириши эҳтимоли бор, бу эса банк томонидан қўшимча режалаштириш ва назоратни талаб этади.
Шу боис, "Инфин ишончли" омонатини ишлаб чиқишда биз эҳтимолий хавфларни диққат билан баҳоладик ва ҳисобга олдик ҳамда уларни самарали бошқариш чораларини кўрдик. Биз мижозлар эҳтиёжларини англаймиз ва улар учун энг яхши ечимларни таклиф қилган ҳолда, максимал даражада мослашувчан бўлишга интиламиз.
- "Инфин ишончли" омонати ҳақида батафсил айтиб бера оласизми?
- Албатта, биринчи навбатда мен “Инфин ишончли” мижозлар қулайлиги учун ишлаб чиқилганига урғу беришни хоҳлаган бўлардим. Юқорида таъкидлаб ўтганимдек, омонатни дастлабки олти ойда тўлдириш мумкин, бунинг ҳисобига фоизлар миқдори ҳам ошади. “Инфин ишончли” - бу 18 ойлик муддатли валюта омонати. Омонат очиш учун талаб этиладиган энг кам пул миқдори – 1 000 АҚШ доллари. Фоиз ставкасига алоҳида тўхталиб ўтишни хоҳлардим, у йиллик 6,5%ни ташкил этади. Бугунги кунда бу Ўзбекистон бозоридаги энг юқори ставкалардан бири. Бутун фаолияти давомида ИнфинБанк ўз ишида нафақат мижозлар билан узоқ муддатли ҳамкорликни мақсад қилгани, балки ҳар доим энг манфаатли шартларни тақдим этишга тайёрлигини кўп маротаба кўрсатган.
- Омонат фоизлари қандай тартибда ҳисобланади?
- Ҳар ой фоизлар автоматик тарзда мобил илова ҳамёнига тушади, у ердан сиз уларни картага ўтказишингиз ёки сарфлашингиз ёхуд омонатга қайта йўллашингиз мумкин. Таъкидлаш керакки, зарурат туғилганда мижоз омонатни муддатидан илгари ёпиш ва охирги тўлиқ ой учун фоизларни олиш имкониятига эга.
- Ушбу омонат бўйича фоизлар капитализацияси кўзда тутилганми?
- Йўқ, фоизлар капитализацияси кўзда тутилмаган. Аммо ҳисобни тўлдириш имконияти орқали фоизлардан олинган суммани кўпайтириш мумкин.
- Мижозларга қайси омонатни танлашни тавсия қиласиз?
- ИнфинБанкда бугун турли таклифлар бор, улар орасидан мижоз айнан унга мос келадигани – сўм ёки валюта, муддатли ёки муддатсизини танлаши мумкин. Бироқ бугун тилга олинган янги омонатга қайтиб, яна бир бор таъкидламоқчиманки, мижоз ҳисобни тўлдириб бориши натижасида кўпроқ миқдорда фоиз ҳисобланади. Бу даромадни ошириш ва етарлича маблағ жамғариш имконини беради. Юқори фоиз ставкаси нафақат инфляция пулларингизни “еб юбормаслиги”, аксинча, уларни кўпайтириши кафолатидир.
InfinBANKда омонатни қандай очиш мумкин?
Омонатни банк офиси ёки мобил иловада расмийлаштириш мумкин. Банкка борганда мижоз ўзи билан шахсини тасдиқловчи ҳужжат ва омонатга жойлаш учун маблағни олиши керак. Мобил иловада омонатни расмийлаштирганда App Store ёки Google Play орқали InfinBANK иловасини юклаб олиш зарур. Сўнг иловада рўйхатдан ўтиш ва номингизга очилган исталган банк картасини улаш талаб этилади. Кейин “Омонатлар” бўлимини топиб, “Омонат очиш” бандини танлайсиз.
Ва мижозларни энг кўп қизиқтирган савол: пулларни Банкда сақлаш қайдаражада хавфсиз?
- Ўзбекистонда онлайн-омонатлар стационар омонатлар каби сўм ёки валютада бўлишидан қатъий назар, фуқароларнинг банклардаги омонатларини кафолатлаш фонди томонидан кафолатланган. Лицензия қайтариб олинган ҳолда биринчи навбатда фуқаролар омонатлари бўйича қарзлар сўндирилади. Банкларга молиявий хизматлар кўрсатиш учун Марказий Банкнинг махсус лицензияси берилади ва шу боис, InfinBANK қатор текширувлардан ўтган ва ўз мижозларига текширилган ва барқарор маҳсулотни тақдим этаётган банк эканига ишонса бўлади.
Тажрибали банкир сифатида муштарийларга маблағларни бошқариш бўйича қандай маслаҳат бера оласиз?
Маблағларни омонатда сақлашни, картага эса фақат зарур миқдордаги пулни ўтказишни. Шу тариқа, карта ўғирланган ёки йўқотилган тақдирда ҳам, онлайн-фирибгарлик ҳолатида ҳам фирибгарлардан пулингизни ҳимоя қиласиз.
Реклама ҳуқуқи асосида.
Изоҳ (0)