Geosiyosiy o‘zgarishlar, iqtisodiy barqarorsizlik va moliyaviy tebranishlar qurshovidagi zamonaviy dunyoda jamg‘arilgan pullar qiymatini saqlab qolish har doimgidan ham muhim bo‘lib qolmoqda. Valyuta kurslari soniyalarda o‘zgarishi mumkin bo‘lgan va davlatlar iqtisodiyoti turli omillarga bog‘liq bunday barqarorsiz vaziyatda hatto eng kichik mablag‘larni ham ishonchli joylarda, aniqroq aytganda banklarda saqlash kerak.
Bankdagi valyuta jamg‘armalari global mavhumlik sharoitida mablag‘larni saqlash va ko‘paytirishning eng ommalashgan va xavfsiz usullaridan biri hisoblanadi. Banklar mablag‘larni turli valyutalarda saqlash imkoniyatini taʼminlab, mijozlarni kurs o‘zgarishlari va mablag‘lar qiymatini yo‘qotish xavfidan himoyalaydi.
InfinBANK АJ Chakana biznes departamenti direktor o‘rinbosari Bahodir Davronov bilan biz nafaqat bankdagi valyuta jamg‘armalari afzalliklari, balki dunyodagi nobarqarorlik sharoitida moliyaviy barqarorlikka erishish strategiyalarini ham ko‘rib chiqamiz.
- Аvvalo, bank omonati nima?
- Bank omonati – bu siz va bank o‘rtasidagi kelishuv bo‘lib, uning doirasida siz o‘z pullaringizni maʼlum muddatga maʼlum shartlar asosida depozitga qo‘yasiz. Soddaroq aytganda, mijoz jamg‘argan pullarini bankka maʼlum muddatga beradi. Buning evaziga bank ushbu mablag‘lardan foydalangani uchun foiz to‘laydi. Omonatlar pullaringiz xavfsizligini taʼminlash, ularni saqlash va hatto ko‘paytirib, daromad olish imkoniyatini taqdim etadi.
- Omonat ochishda nimalarga eʼtibor qaratish kerak?
- Bankda omonat ochar ekanmiz, har birimiz, undan maksimal foyda olishni xohlaymiz. Va eng maqbul shartlarga ega bo‘lish uchun qaysi omonat turini tanlayotganingizni aniq tushunishingiz kerak. Omonat turlari bir necha xil bo‘ladi. Muddatli omonatlar bo‘yicha shartnomalar maʼlum muddatga tuziladi, u tugagandan so‘ng yangi omonat ochish lozim. Talab qilib olinguncha depozitlar sizga istalgan paytda pullarni cheklovsiz qaytarib olish imkonini beradi. Valyuta omonatlari pullarni xorijiy valyutada, so‘m omonatlari esa milliy valyutada saqlashni ko‘zda tutadi.
Bundan tashqari, omonat shartlariga eʼtibor bering. Omonatning eng kam miqdori, mablag‘larni saqlash muddati, to‘ldirish yoki qaytarib olish imkoniyati haqida bilib olish muhim. Аyrim omonat turlarini ular amal qilgan muddat davomida to‘ldirib borish mumkin, boshqalarida esa mumkin emas, pulni qaytarib olishda ham xuddi shunday. Bank, shuningdek, to‘ldirish uchun minimal summa belgilashi yoki mablag‘larni olishga doir cheklovlar kiritishi mumkin.
- O‘zbekistonda hisobni to‘ldirish imkoniyatini taqdim etuvchi omonatlar bormi?
- Mahsulotni ishlab chiqishda hamma banklar ham mijozga hisobni to‘ldirish imkoniyatini taqdim etish haqida o‘ylamaydi. Boshqacha aytganda, bundan bank har doim ham manfaatdor emas. Taʼkidlamoqchimanki, InfinBank jamoasi yaqinda ishlab chiqqan va ishga tushirgan "Infin ishonchli" valyuta omonatining asosiy o‘ziga xosligi mablag‘larni qisman olish va dastlabki olti oyda cheksiz to‘ldirish imkoniyatidir.
- Siz omonatni to‘ldirish imkoniyati bank uchun har doim manfaatli emas, dedingiz. Nima uchun?
- Banklar doimo o‘z xavflarini, ayniqsa, aktivlar va majburiyatlar bilan bog‘liq xavflarni samarali boshqarishga intiladi, to‘ldirish imkoniyatini taqdim etish esa ushbu jarayonni murakkablashtirishi mumkin. Qo‘shimcha to‘ldirish katta hajmdagi mablag‘larni boshqarish zaruratini vujudga keltirishi ehtimoli bor, bu esa bank tomonidan qo‘shimcha rejalashtirish va nazoratni talab etadi.
Shu bois, "Infin ishonchli" omonatini ishlab chiqishda biz ehtimoliy xavflarni diqqat bilan baholadik va hisobga oldik hamda ularni samarali boshqarish choralarini ko‘rdik. Biz mijozlar ehtiyojlarini anglaymiz va ular uchun eng yaxshi yechimlarni taklif qilgan holda, maksimal darajada moslashuvchan bo‘lishga intilamiz.
- "Infin ishonchli" omonati haqida batafsil aytib bera olasizmi?
- Аlbatta, birinchi navbatda men “Infin ishonchli” mijozlar qulayligi uchun ishlab chiqilganiga urg‘u berishni xohlagan bo‘lardim. Yuqorida taʼkidlab o‘tganimdek, omonatni dastlabki olti oyda to‘ldirish mumkin, buning hisobiga foizlar miqdori ham oshadi. “Infin ishonchli” - bu 18 oylik muddatli valyuta omonati. Omonat ochish uchun talab etiladigan eng kam pul miqdori – 1 000 AQSH dollari. Foiz stavkasiga alohida to‘xtalib o‘tishni xohlardim, u yillik 6,5%ni tashkil etadi. Bugungi kunda bu O‘zbekiston bozoridagi eng yuqori stavkalardan biri. Butun faoliyati davomida InfinBank o‘z ishida nafaqat mijozlar bilan uzoq muddatli hamkorlikni maqsad qilgani, balki har doim eng manfaatli shartlarni taqdim etishga tayyorligini ko‘p marotaba ko‘rsatgan.
- Omonat foizlari qanday tartibda hisoblanadi?
- Har oy foizlar avtomatik tarzda mobil ilova hamyoniga tushadi, u yerdan siz ularni kartaga o‘tkazishingiz yoki sarflashingiz yoxud omonatga qayta yo‘llashingiz mumkin. Taʼkidlash kerakki, zarurat tug‘ilganda mijoz omonatni muddatidan ilgari yopish va oxirgi to’liq oy uchun foizlarni olish imkoniyatiga ega.
- Ushbu omonat bo‘yicha foizlar kapitalizatsiyasi ko‘zda tutilganmi?
- Yo‘q, foizlar kapitalizatsiyasi ko‘zda tutilmagan. Аmmo hisobni to‘ldirish imkoniyati orqali foizlardan olingan summani ko‘paytirish mumkin.
- Mijozlarga qaysi omonatni tanlashni tavsiya qilasiz?
- InfinBankda bugun turli takliflar bor, ular orasidan mijoz aynan unga mos keladigani – so‘m yoki valyuta, muddatli yoki muddatsizini tanlashi mumkin. Biroq bugun tilga olingan yangi omonatga qaytib, yana bir bor taʼkidlamoqchimanki, mijoz hisobni to‘ldirib borishi natijasida ko‘proq miqdorda foiz hisoblanadi. Bu daromadni oshirish va yetarlicha mablag‘ jamg‘arish imkonini beradi. Yuqori foiz stavkasi nafaqat inflyatsiya pullaringizni “yeb yubormasligi”, aksincha, ularni ko‘paytirishi kafolatidir.
InfinBANKda omonatni qanday ochish mumkin?
Omonatni bank ofisi yoki mobil ilovada rasmiylashtirish mumkin. Bankka borganda mijoz o‘zi bilan shaxsini tasdiqlovchi hujjat va omonatga joylash uchun mablag‘ni olishi kerak. Mobil ilovada omonatni rasmiylashtirganda App Store yoki Google Play orqali InfinBANK ilovasini yuklab olish zarur. So‘ng ilovada ro‘yxatdan o‘tish va nomingizga ochilgan istalgan bank kartasini ulash talab etiladi. Keyin “Omonatlar” bo‘limini topib, “Omonat ochish” bandini tanlaysiz.
Va mijozlarni eng ko‘p qiziqtirgan savol: pullarni Bankda saqlash qaydarajada xavfsiz?
- O‘zbekistonda onlayn-omonatlar statsionar omonatlar kabi so‘m yoki valyutada bo‘lishidan qatʼiy nazar, fuqarolarning banklardagi omonatlarini kafolatlash fondi tomonidan kafolatlangan. Litsenziya qaytarib olingan holda birinchi navbatda fuqarolar omonatlari bo‘yicha qarzlar so‘ndiriladi. Banklarga moliyaviy xizmatlar ko‘rsatish uchun Markaziy Bankning maxsus litsenziyasi beriladi va shu bois, InfinBANK qator tekshiruvlardan o‘tgan va o‘z mijozlariga tekshirilgan va barqaror mahsulotni taqdim etayotgan bank ekaniga ishonsa bo‘ladi.
Tajribali bankir sifatida mushtariylarga mablag‘larni boshqarish bo‘yicha qanday maslahat bera olasiz?
Mablag‘larni omonatda saqlashni, kartaga esa faqat zarur miqdordagi pulni o‘tkazishni. Shu tariqa, karta o‘g‘irlangan yoki yo‘qotilgan taqdirda ham, onlayn-firibgarlik holatida ham firibgarlardan pulingizni himoya qilasiz.
Reklama huquqi asosida.
Izoh (0)