Жорий йилнинг 7 июль куни Ўзсаноатқурилишбанк томонидан “Инвесторлар куни” ташкил этилди. Халқаро молиявий институтлари, нуфузли банк ва етакчи компаниялар вакиллари иштирокида бўлиб ўтган тадбирда қатор келишувларга эришилди.
Шу кунларда пойтахтимизда ўтказилган “Янги Ўзбекистон: тараққиёт, инновация ва маърифат” мавзусидаги халқаро шериклик ташаббуслари ҳафталиги доирасида кўпгина тадбирлар ташкил қилиниб, унда халқаро экспертлар билан Янги Ўзбекистондаги ислоҳотлар юзасидан фикр алмашилди.
Халқаро молия корпорацияси, Европа тикланиш ва тараққиёт банки, АҚШнинг “ЖП Морган Chase”, Буюк Британиянинг “ИCBC Стандард PLC”, “ИмпаcтА Глобал” ва “Кҳумо 7 Consulting”, Германиянинг “Commerzbank”, “KfW ИПЕХ-Банк ГмбҲ”, “Landesbank Баден-Wурттемберг” ва “Deutsche Банк”, Австриянинг “Раиффаисенбанк”, Франциянинг “Rothschild & Cо”, “Natixis” ҳамда Франция тараққиёт уюшмаси каби йирик банк-молия ва инвестиция компаниялари вакиллари иштирокида ўтказилган “Инвесторлар куни”да дастлаб Ўзсаноатқурилишбанк фаолияти тақдимот қилинди.
Хусусан, меҳмонлар муассаса томонидан 2020-2025 йилларга мўлжалланган Ўзбекистон Республикасининг банк тизимини ислоҳ қилиш стратегияси доирасида корпоратив бошқарув, чакана, кичик ва ўрта бизнес, филиаллар тармоғини бошқариш, IT, транзаксион бизнес, рискларни бошқариш ҳамда “яшил” банк йўналишларида амалга оширилган трансформация ишлари натижалари билан таништирилди.
Банк тизимида замонавий ечимларни жорий этиш, молиявий ва инсон ресурслари самарадорлигини оширишга ижобий таъсир кўрсата оладиган истиқболли инвесторларни жалб қилиш ва улар ёрдамида янада самарали инфратузилма яратишга қаратилган масалалар юзасидан музокаралар олиб борилди.
Тадбир давомида “ЖП Морган Chase” вакиллари томонидан Ўзбекистон банкларининг жаҳон капитал бозорига интеграциясига бағишланган сессия ҳам ўтказилди.
Унда Ўзбекистон тараққиётининг янги босқичида ҳукумат томонидан амалга оширилаётган чуқур таркибий ўзгаришлар, шу жумладан, иқтисодиёт йўналишидаги ислоҳотлар натижаси жаҳон ҳамжамияти томонидан алоҳида эътироф этилаётгани таъкидланди.
Иқтисодиётнинг асосий бўғинларидан бири – капитал бозорини ривожлантиришда Ўзбекистонда катта салоҳият мавжудлиги қайд этилди.
Хорижий ҳамкорлар ушбу соҳага илғор тажрибани олиб киришда бозор иштирокчиларига кўмаклашишга тайёрлигини билдирди. Томонлар ўртасида шу ва бошқа йўналишлар бўйича хамкорликни кенгайтириш юзасидан режалар белгилаб олинди.
Тадбир якунларига кўра қарийб 32 миллион долларлик, шу жумладан, Ўзсаноатқурилишбанк ва “Раиффаисенбанк” ўртасида савдони молиялаштириш бўйича 15 миллион евро миқдоридаги кредит битими ҳамда “ИCBC Стандард PLC” банки билан 15 миллион АҚШ доллари эквивалентигача бўлган миқдорда миллий валютада номиналланган қисқа муддатли банклараро кредитни жалб қилиш юзасидан келишувга эришилди.
Реклама ҳуқуқи асосида.
Изоҳ (0)