Бугун, 29 март куни АОКАда иқтисодиёт ва молия вазирлиги томонидан матбуот анжумани ташкил этилди. Мулоқотдан сўнг вазир ўринбосари Дилшод Султонов журналистларга интервью берди.
ҚҚС пасайиши нега нархларга таъсир қилмаяпти?
Қўшилган қиймат солиғининг киритилиши, имтиёзни бекор қилиниши, ставкаси пасайиши нархларга таъсир қилмайди. Сабаби масалан, сиз бугун бориб, сартарошга 100 минг сўм тўлагансиз. Эртага ҳам 100 минг сўм тўлашга тайёрсиз. У нега нархни пасайтириши керак? Бу бизнеснинг хусусиятларидан бири. Агар бозорда рақобат бўлса, ўшанда нархлар пасайиши мумкин. Лекин ўйлайманки, ҚҚСнинг пасайиши январь февраль ойларида инфляциянинг ўсишини бироз секинлаштирди.
“Ташаббусли бюджет”
“Open budjet” ўтган йили пайдо бўлди ва у жуда яхши инструмент. Халқ ўзи овоз бериб, бюджетнинг бир қисмини қаерга ишлатишни ҳал қилмоқда. Халқ овозни турли йўллар билан тўплашга ҳаракат қилиб кўрмоқда. Қўйилган мақсадига етмоқчи. У кола тарқатадими, 20 та SIM карта сотиб олдими, у қўйган мақсадига етмоқчи. Биз бу тизимни такомиллаштириб борамиз.
Бож сиёсати
Биз жаҳон савдо ташкилотига киряпмиз. Бутун дунё бож сиёсатини бир-бири билан талашади. Бирорта божи йўқ мамлакатни билмайман. Европа иттифоқига ўхшаб бир-бири билан алоқа қилиши мумкин. Лекин бошқа мамлакатлар билан алоқалар бож орқали бўлади. Энг ривожланган давлатларда ҳам бож бор. Улардаги юқори бож улуши қишлоқ хўжалиги маҳсулотларига ўрнатилган.
Ишлаб чиқарилмайдиган ҳамда келгусида у маҳсулотни ишлаб чиқариш имкони бўлмаса, импорт учун божлар олиб ташланади. Мисол учун, технологик асбоб-ускуналарни рўйхат бўйича бождан ҳам, ҚҚСдан ҳам озод қилганмиз. Сабаби у нарса бизда йўқ. Бундай қилишдан асосий мақсадимиз, технологияни олиб кир ва бизда ҳам ишлаб чиқаришни бошлагин деймиз.
Жаҳон савдо ташкилотига киргандан кейин инвесторлар кўпроқ келади. Бозорда ҳам қонун-қоидалар бир хил бўлади.
Изоҳ (0)