Ўзбекистонда жонли ижрога йўналтирилган Xon Saroy music лойиҳасининг биринчи босқичи муваффақиятли якунланиб, республиканинг барча вилоятларидан 30 нафар кучли иштирокчи саралаб олинди. Келаётган якшанба соат 20:30 да томошабинлар кучли ўттизталик таркибидаги биринчи 15 нафар иштирокчи ўртасида кечадиган қизғин баҳсга гувоҳ бўлишади. Қолган 15 нафар иштирокчи эса кейинги якшанбада беллашиши режалаштирилган. Истеъдодли, ёш санъаткорлар ўртасидаги мусиқий беллашув чинакам эсда қоларли шоуга айланиши кутилмоқда.
.jpg)
Маълумот ўрнида эслатиб ўтамиз, Ўзбекистонда юлдузлар фабрикасини шакллантиришга қаратилган илк мусиқий танловнинг иккинчи босқичи якунлари бўйича фақатгина 20 та иштирокчи учинчи босқчига йўл олади. Сўнг лойиҳада кучли 10 нафар иштирокчи қолади. Улар учун вокал ижро, саҳна нутқи, овозни созлаш бўйича мастер-класлар ташкиллаштирилади.
Якуний, 4-босқичда иштирокчилар кўп миллионли аудиторияга эга блогерлар билан ҳамкорликда ишлашади.
Лойиҳа ҳар якшанба куни MY5 телеканалида эфирга узатилади. Охирги босқич жонли эфирда бўлиб ўтади. Ғолиблар томошабинлар томонидан овоз бериш йўли билан аниқланади.
Реклама ҳуқуқи асосида.
Изоҳ (0)