YCHL. “Real” 7 ta gol urilgan o‘yinda “Liverpul”ni yirik hisobda yutdi, “Napoli”da ham g‘alaba

Futbol bo‘yicha Yevropa Chempionlar Ligasining 1/8 final dastlabki bahslaridan o‘rin olgan ikki o‘yin 21-fevral, seshanba kuni bo‘lib o‘tdi.

“Liverpul” o‘z maydonida “Real”ni qabul qildi. Uchrashuv debyutida Muhammad Salohning uzatmasidan keyin Darvin Nunyes chiroyli gol urib, hisobni ochdi. 14-daqiqada Saloh raqib darvozaboni Tibo Kurtuaning xatosidan unumli foydalanib, farqni oshirdi.

21-daqiqada Vinisius Junior hisobni qisqartirgan bo‘lsa, 36-daqiqada braziliyalik futbolchi hamyurti Alissonning xatosidan keyin muvozanatni tikladi.

Ikkinchi bo‘limning ikkinchi daqiqasida Eder Militao endi madridliklarni oldinga olib chiqdi. 55-daqiqada Karim Benzemaning zarbasidan keyin to‘p raqib himoyachisiga tegib o‘z yo‘nalishini o‘zgartirdi va darvozadan joy oldi. 67-daqiqada esa Benzema jamoasining kombinatsiyasini muvaffaqiyatli yakunladi. Qolgan vaqtda hisob o‘zgarmadi.

Yana bir o‘yin “Ayntraxt” va “Napoli” jamoalari o‘rtasida kechdi. Viktor Osimhen va Jovanni di Lorensoning gollari neapolliklarga g‘alaba olib keldi.

Mazkur juftliklar o‘rtasidagi javob bahslari 15-mart oqshomida o‘tkaziladi.

YCHL

1/8 final, dastlabki o‘yinlar

21-fevral, seshanba

“Liverpul” (Angliya) – “Real Madrid” (Ispaniya) 2:5

Gollar: 1:0 – 4 Nunyes, 2:0 – 14 Saloh, 2:1 – 21 Vinisius Junior, 2:2 – 36 Vinisius Junior, 2:3 – 47 Militao, 2:4 – 55 Benzema, 2:5 – 67 Benzema.

“Liverpul”: Alisson, Aleksander-Arnold, van Deyk, Gomes (Matip, 73), Robertson, Baychetich (Elliott, 85), Henderson (Milner, 73), Fabinyo, Saloh, Gakpo (Firmino, 64), Nunyes (Diogu Jota, 64).

“Real Madrid”: Kurtua, Karvaxal, Ryudiger, Militao, Alaba (Nacho, 27), Kroos, Modrich, Valverde, Kamavinga, Benzema (Asensio, 87), Vinisius Junior, Rodrigo (Sebalyos, 81).

Ogohlantirishlar: Vinisius Junior (60), Elliott (90+3).

“Ayntraxt F” (Germaniya) – “Napoli” (Italiya) 0:2

Gollar: 0:1 – 40 Osimhen, 0:2 – 65 Di Lorenso.

“Ayntraxt F”: Trapp, Buta (Knauff, 69), Yakich, Ndika, Tuta, Lens, Maks (Lens, 90), Gyotse (Alidu, 81), Sou, Kamada, Lindstryom (Borre, 69), Kolo-Muani.

“Napoli”: Meret, Di Lorenso, Rrahmani, Kim Min Je, Olivera, Lobotka, Zelinski, Zambo-Angissa (Ndombele, 80), Losano (Elmaz, 80), Osimhen (Simeone, 84), Kvaratsxeliya (Politano, 84).

Ogohlantirishlar: Kim Min Je (38), Gyotse (60), Elmaz (83).

Chetlatish: Kolo-Muani (58).