Туркияда дунё бўйлаб томошабинларнинг эътирофига сазовор бўлган “Чолиқуши” сериалининг янги ремейки суратга олиниши маълум қилинди.
Турк ёзувчиси Рашод Нури Гунтекин қаламига мансуб бўлган “Чолиқуши” китоби асосида суратга олинган сериалнинг биринчи версияси 1986 йилда экранларга чиқди ва орадан кўп вақт ўтмай томошабинларнинг қалбидан жой олди. “Чолиқуши” сериали бутун дунё бўйлаб томоша қилинди ва унда бош ролларни ижро этган актёрлар томошабинларни ўзига жалб қила олди.
Айдан Шенер ва Кенан Калав экрандаги ажойиб жуфтликка айланди, уларнинг ҳис-туйғуларига ишонмасликнинг иложи йўқ. Ҳозирги кунда ҳам лойиҳанинг рейтинги 10 баллдан 8,1 баллни ташкил этади, бу эса жуда яхши натижа ҳисобланади.
Бу муваффақият режиссёрларни “Чолиқуши” сериалини яна қайта суратга олишга, бош ролларни Бурак Ўзчивит ва Фаҳрие Эвжен ижро этган биринчи ремейкни тақдим этишга ундади. Ушбу лойиҳадан сўнг сериалда бош ролни ижро этган жуфтлик — Бурак Ўзчивит ва Фаҳрие Эвжен ишқий муносабатда эканини оммага маълум қилди.
Томошабинлар қайта суратга олинган ремейкни юқори баҳолади, шунинг учун сериалнинг рейтинги ҳам 10 дан 8,1 баллни ташкил этди. Лойиҳанинг биринчи версиясини кўрган томошабинларнинг барчаси Фаҳрие Фериде роли учун етарлича гўзалликка эга эмас, деб ҳисоблайди.
Ҳозирда томошабинлар учун сериалнинг фильмга айлантирилган учинчи версияси тайёрланмоқда. Турк сериаллари мухлисларидан бири Бурак Ўзчивит ва Фаҳрие Эвженни “Чолиқуши” сериалининг янги версиясидаги ролларни ижро этишга тарғиб қилишни таклиф қилмоқда.
Изоҳ (0)