Футбол бўйича Англия Премер Лигасининг 21-турида «Арсенал» ва «Манчестер Юнайтед» 22 январь, якшанба куни ўзаро баҳс олиб борди.
Учрашувнинг 17-дақиқасида Маркус Рэшфорд жарима майдонидан ташқарисида ажойиб зарба бериб, ҳисобни очди. 24-дақиқада эса Эдвард Нкетиа мувозанатни тиклади. Биринчи бўлимда дуранг натижа қайд этилди.
Иккинчи бўлимда ҳам жамоалар ҳужумкор ўйин намойиш этди. 53-дақиқада Букайо Сака ажойиб гол уриб, лондонликларни ҳисобда олдинга олиб чиқди. 59-дақиқада эса Лисандро Мартинес бош билан гол урди ва мувозанатни тиклади. Ўйин якунига етишига бир неча дақиқа қолганда Эдвард Нкетиа «канонирлар»га ғалаба келтирувчи гол муаллифига айланди.
«Арсенал» очколари сонини 50 тага етказиб, биринчи ўринни мустаҳкамлади. «Манчестер Юнайтед» эса 39 очко билан 4-поғонани банд этди.
АПЛ
21-тур баҳси
22 январь, якшанба
«Арсенал» — «Манчестер Юнайтед» 3:2
Голлар: 0:1 – 17 Рэшфорд, 1:1 – 24 Нкетиа, 2:1 – 53 Сака, 2:2 – 59 Мартинес, 3:2 — 90+1 Нкетиа.«Арсенал»: Рэмсдейл, Уайт (Томиясу, 46), Габриэль, Салиба, Зинченко, Жака, Парти, Эдегор (Holding, 90+3), Сака, Нкетиа, Мартинелли (Троссард, 82).
«Манчестер Юнайтед»: Де Хеа, Уан-Биссака, Варан (Гарначо, 90+3), Мартинес, Шоу, Эриксен, Бруну Фернандеш, Мактоминей, Вегорст, Рэшфорд, Антони (Фред, 71).
Огоҳлантиришлар: Уайт (19), Артета (34), Антони (47), Шоу (83).
Изоҳ (0)