Карло Анчелотти 13 йил деганда илк бор финални бой берди

Мадриднинг «Реал» клуби Испания Суперкубоги финалида «Барселона»га ютқазиб қўйди (1:3).

«Реал» устози Карло Анчелотти 13 йил деганда илк бор финални бой берди. Сўнгги бор италиялик мутахассис «Челси» билан 2010 йилнинг августида  Англия Суперкубогида «Манчестер Юнайтед»га ютқазганди.

Муваффақиятли серия Анчелотти «Реал»га келган 2014 йилда бошланганди, унда мутахассис Испания Кубогида зафар қучганди. Ўша мавсум жамоа Испания Суперкубогини бой берган, бироқ мусобақа ғолиби иккита ўйинда аниқлангани боис бу натижа ҳисобга киритилмаган. Умумий миқдорда мураббий ўнта финални ютди.

Мутахассис мураббийлик фаолияти давомида 24 та совринга эга чиққан.

Мавзуга доир:

• Хави мураббий сифатида 4 та «Эль-Класико»дан иккитасини ютди, унгача кетма-кет тўртта мағлубият қайд этилганди
• Карло Анчелотти Испания Суперкубоги финал ҳақида: «Барселона» яхшироқ эди. Нуқта