Murad Buildings ва Қозоғистоннинг BI Group компаниясининг Тошкентдаги навбатдаги янги қўшма лойиҳа - янги турар жой даҳаси қурилиши бошланди. Лойиҳа тақдимот маросими бир бирига қардош давлатлар президентлари Шавкат Мирзиёев ва Қосим-Жўмарт Тўқаевнинг учрашуви муносабати ҳамда қўшма объектларнинг ишга туширилиши муносабати билан ўтказилди.
Маросимда BI Group холдинги раҳбари Айдин Раҳимбоев 500 миллион доллар сармоя киритиладиган лойиҳа ҳақида гапирди. Мазкур лойиҳа 1,5 миллион квадрат метрдан ортиқ ижтимоий, тижорат ва турар жой инфратузилмасини қурилишини ўз ичига олган. Қўшни давлатлар президентлари қурилишни бошлашга розилик билдиришди.
«Bigвил» Чирчиқ дарёси бўйлаб барпо этилади. Турар жой даҳаси ҳудудида бош режага мувофиқ шаҳар боғлари ва хиёбонлар, йўллар, ижтимоий инфратузилма (мактаб, болалар боғчалари, поликлиникалар, театрлар, савдо мажмуалари, маъмурий бинолар), шунингдек, дарё бўйлаб ободонлаштириш ишлари амалга оширилади.
«Bigвил» лойиҳаси МДҲ мамлакатлари орасида «шаҳар ичидаги шаҳар» туридаги янги ва катта концепцияси бўлиб, унда турар жой мажмуаларидан ташқари шинам ва фаровон ҳаёт учун зарур бўлган ҳамма қулайликлар барпо этилади: тиббиёт, таълим, спорт иншоотлари, савдо майдончалари ва боғлар, қулай кириш йўллари.
Айдин Раҳимбоев:
Мутахассисларнинг башоратларига кўра, Ўзбекистон кўчмас мулк бозори мамлакат иқтисодий ривожланишининг асосий омилларидан бирига айланиши мумкин. Murad Buildings компаниясининг илғор ғоялари ва BI Group’нинг йирик лойиҳаларда ортирган бой тажрибасидан фойдаланган ҳолда, биз биргаликда ушбу янги даҳада яшовчилар учун, шунингдек, Тошкент шаҳри аҳолисига қулай яшаш учун барча шароитларни яратмоқчимиз.
Тошкент шаҳар ҳокими ўринбосари, Инвестициялар ва ташқи савдо бошқармаси бошлиғи Шароф Раҳмонов:
Ўзбекистон ва Қозоғистон ўртасида яқин шериклик муносабатлари ўрнатилган. Амалдаги ва янги қўшма лойиҳаларни амалга ошишида кўп жиҳатдан муҳтарам президентларимизнинг шарофати билан бўлиб, шу каби янгидан янги иншоотларнинг барпо этилишига хизмат қилмоқда. Чирчиқ дарёси бўйидаги лойиҳа Тошкент шаҳри учун муҳим ва аҳамиятлидир. Биз уни чин дилдан қўллаб-қувватлаймиз. Унинг шарофати билан инфратузилма, ижтимоий аҳамиятга молик объектлар янада ривожланиб, фуқароларнинг яшаши учун қулай ва шинам муҳит яратилади. Ҳокимлик вакили сифатида уни тарғиб қилишда ва ҳар томонлама ёрдам беришга тайёр эканлигимизни тасдиқлайман.
Murad Buildings асосчиси ва раҳбари Мурод Назаров:
Ушбу кенг кўламли лойиҳани амалга оширишда бизга билдирилган ишонч учун бир-бирига дўст бўлган мамлакатларимиз президентларига самимий миннатдорчилик билдирамиз. Murad Buildings ва BI Group компаниялари турар жой ва ижтимоий объектлар қуришда бой тажриба ва билимга эга. Ишончим комилки, лойиҳа ниҳоясига етгач, «Bigвил» пойтахтнинг янги диққатга сазовор жойи ва фуқароларнинг севимли гўшасига айланади, чунки бу лойиҳа қулай яшаш ва бахтли ҳаёт учун зарур бўлган ҳамма нарсани ўзида мужассамлаштиради.
Кўп асрлик анъаналар, ҳурмат ва ўзаро ёрдам маданияти сақланиб қолган маҳаллалар турар жой даҳаси учун илҳом манбаи бўлди. Бу ноёб ижтимоий феномен дунёда катта қизиқиш уйғотмоқда ва ЙUNЭСКОнинг Жаҳон маданий меросининг дастлабки рўйхатига киритилган. Бу ерда чинорлар билан қопланган шаҳарнинг сояли тор савдо кўчалари табиат билан уйғунлашиб, ўзига хос шаҳар занжирини ҳосил қилади.
Лойиҳа ўз ичига осма боғлар, PlayHub ёки жамоат уйин ва спорт майдончаларини ўз ичига олади. Ландшафт анъанавий каштачилик турларидан бири — сўзана тимсолиди бўлиши режалаштирилган.
Лойиҳа жойлашган жойи кўлларга бой голф клуби, «Янги Ўзбекистон» боғи ва режалаштирилган Олимпия қишлоғи ёнидаги фаол ривожланаётган ҳудуд ҳисобланади.
Ўзбекистон пойтахтидаги биринчи бигвилда 20 минг хонадон тақдим этилади. Қурувчилар энергия самарадорлиги, инновацион ёндашув ва рақамлаштиришга алоҳида эътибор қаратишади.
Қурилиш жараёнида биноларнинг ҳаддан ташқари қизиб кетишини олдини олиш, ёзги жазирамада салқинликни таъминлаш учун яшил майдонли кичик сув иншоотлари, пиёдалар йўлларини соялар билан таҳминлаш усуллари қўлланилади.
Эслатиб ўтамиз, Ўзбекистондаги илғор компанияларидан бири Murad Buildings ва Қозоғистоннинг BI Group инновацион қурилиш холдинги биргаликда уч йилдан буён NRG номи остида Тошкент шаҳрида турар жой мажмуаларини қуриб келмоқда.
Айни пайтда NRG компанияси У-Tower ва NRG Парк лойиҳаларини амалга оширмоқда.
Реклама ҳуқуқи асосида.
Изоҳ (0)