Чет эл капитали иштирокидаги «Ҳамкорбанк» акциядорлик тижорат банки хизмат кўрсатиш сифатини ошириш ва ўз мижозлари учун қўшимча қулайликлар яратиш устида тинимсиз иш олиб бормоқда. Шу мақсадда аҳоли учун қулай манзилларда янги шаклдаги универсал банк хизматлари офислари фаолияти ташкил этилмоқда. Хусусан, 2022 йил 22 декабрь куни «Олмазор» универсал банк хизматлари офисининг тантанали очилиш маросими бўлиб ўтди.
Тадбирда банк раҳбарияти, Олмазор тумани ҳокимлиги, ОАВ ходимлари, блогерлар, расмий идораралар вакиллари, шунингдек, янги филиал фаолиятига қизиқиш билдирган тадбиркорлар ва банк мижозлари иштирок этишди.
«Ҳамкорбанк» АТБ Бошқарув раиси ўринбосари Жасур Хасанов тадбирни очиб берар экан, мижозлар учун яратилган шароитлар, таклиф этиладиган банк хизмати турлари ва янги технологик ечимлар тўғрисида батафсил маълумот берди.
Эътиборлиси, офис замонавий технологиялар билан тўлиқ жиҳозланган, мижозларга сифатли хизмат кўрсатиш мақсадида ўз соҳасининг малакали мутахассислари жалб этилган. «Олмазор» универсал банк хизматлари офиси бир вақтнинг ўзида тадбиркорлик субъектлари ва аҳолига кенг турдаги барча замонавий банк хизматларини таклиф этади. Хусусан, мижозлар ҳисоб рақами ва пластик карталар очиши, валюта алмаштириши, кредит ва омонат расмийлаштириши, барча турдаги тўловларни амалга ошириши ҳамда халқаро пул ўтказмаларини қабул қилиши ва юбориши мумкин. Банк хизматлари офиси 24/7 режимида фаолият кўрсатувчи замонавий банкомат ва инфокиосклар билан таъминланган.
Дарҳақиқат, 31 йил мобайнида молия бозорида муваффақиятли фаолият кўрсатиб келаётган Чет эл капитали иштирокидаги «Ҳамкорбанк» акциядорлик тижорат банки ҳозирги даврга келиб, тадбиркорлик субъектлари ва аҳоли эҳтиёжларини тўлиқ қондириш мақсадида, кенг миқёсда замонавий банк хизматларини кўрсатиш ҳамда уларга ҳудудий жиҳатдан яқинлашишни ўз олдига энг асосий мақсад қилиб олган. Ҳозирда, республикамизнинг барча ҳудудларида Ҳамкорбанкнинг 50 та универсал банк хизматлари офиси ва 103 та банк хизматлари офислари фаолият кўрсатмоқда.
«Ҳамкорбанк» АТБ «Олмазор» универсал банк хизматлари офисига марҳамат!
Манзил:
Тошкент шаҳри, Олмазор тумани, «Ислом ота» МФЙ, Олтинсой кўчаси, 27-а уй.
Мўлжал: 133-мактаб
Алоқа маркази: 1256
Бизни ижтимоий тармоқларда кузатиб боринг:
Реклама ҳуқуқи асосида.
Изоҳ (0)