«Барселона» «Манчестер Сити» футболчиси Бернарду Сильва билан шартнома имзолашга яна бир бор ҳаракат қилиб кўради.
Каталонияликлар «Барселона» Чемпионлар Лигаси учун курашишда жамоани янги даражага олиб чиқадиган юлдуз футболчи харид қилиш лозим деб ҳисобламоқда. Шу сабабдан клуб президенти Хоан Лапорта Лионель Мессини ортга қайтариш ёки Бернарду Сильва билан шартнома имзолаш вариантларида тўхталди.
Натижада раҳбарият Бернарду Сильва трансферини амалга оширишга яна бир бор уриниб кўришга қарор қилди. Португалия терма жамоаси ва «Манчестер Сити» аъзоси нафақат майдон марказида, балки, ҳужумда ҳам муносиб ўйин кўрсата олади. Ундан ташқари Сильва Мессидан анча кичик.
Португалияликнинг ўзи ҳам «Барселона»га ўтиш варианти қизиқтираётганини маълум қилганди. Ёзда томонлар ўртасида шартнома имзоланишга яқин келганди, якунда эса бу амалга ошмай қолганди.
Бернардунинг «шаҳарликлар» билан шартномаси 2025 йил ёзига қадар мўлжалланган.
Изоҳ (0)