Бугун,

  • USD 11095.31
  • RUB 173.84
  • EUR 10772.44

«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 9-сони мавзуси «Тошкент яшаш учун қулайми?» бўлиб, дастур меҳмони сифатида Қонунчилик палатаси депутати Дониёр Ғаниев таклиф этилди.

Фото: «Дарё» / Дилруҳ Исомиддинова

Фото: «Дарё» / Дилруҳ Исомиддинова

Дониёр Ғаниев шаҳардаги тирбандликларни, машиналарнинг йирик оқимини камайтириш, аҳолини жамоат транспортига ўргатиш учун нималар қилиш зарурлиги ҳақида фикрларини билдирди.

Тирбандликларни йўқотиш учун автомобиль минишни қимматлаштиришимиз керак. Шаҳар марказларига кириш учун тўловлар жорий қилишимиз керак. Буни мен Лондонда, Сингапурда кўргандим 10 йиллар аввал. Ғилдиракни қайта кашф қилиш шартмас, уни ишлатишимиз керак.

Шу билан бирга параллел равишда жамоат транспортини ривожлантиришимиз керак.

Парковкалар пуллик қилинса, ҳар куни фақат уйдан ишга бориб, кейин яна уйига қайтадиган одам ўйлашни бошлайди: «Ҳар куни фақат икки марта фойдаланадиган машинамда бориб, парковкани банд қилишим иқтисодий жиҳатдан мантиқлими?». Ресурс битта, лекин унга талабгор кўп.

Бошқа томондан, машинадан воз кечган одамга қанақа рағбат бор? Масалан, ҳеч қандай рағбат бўлмаса, буёқда йўллар бемалол, парковкалар текин бўлса, мен ўзимга қулайини танлаб, машинада юраман.

Агар жамоат транспортини ривожлантириб, машина ҳайдашни қиммат қиладиган бўлсак, ишончим комил, аҳолининг катта қисми кўнгилли тарзда жамоат транспортига ўтади.

Шунда биз 4 йўлакли йўлни 8 тага кенгайтирмасдан, 2 тага қисқартирармиз ва йўлнинг қолган қисмига дарахт экармиз, — дейди депутат.

 

Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.

 

Изоҳ

Баҳтиёр Турсунов

04.12.2022, 12:56

Bu qivun deputatlar qachongacha axolini talashni taklif qiladi? Uni oʻrniga yoʻllarni kengaytirish kerak, aylanma yoʻllarni koʻpaytirish kerak taklifniyam berarmikin?

Асосий янгиликлар
Маҳаллий
АОКА “Human.uz” журналистлари билан боғлиқ ҳолат юзасидан муносабат билдирди 
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg