Бугун,

  • USD 11095.31
  • RUB 173.84
  • EUR 10772.44

Украина президенти рафиқаси Елена Зеленская Буюк Британия қироли Чарльз III билан учрашув ўтказди, бу ҳақда у ўз Telegram-каналида маълум қилди.

Зеленская ва Чарльз III Лондондаги Украина юнон-католик черковига ва унинг ҳудудида жойлашган украиналик қочқинлар учун марказга ташриф буюрди.

«Жаноби олийлари Украинадан мажбуран кўчириб келтирилганларни қўллаб-қувватлаш учун биринчи марта ўз вақти ва илиқ сўзларини ажратаётгани йўқ: яқинда у Шотландияда, ундан аввалроқ эса Руминияда украиналик қочқинлар билан кўришганди», — деди Елена Зеленская.

Украинанинг биринчи хоними айни пайтда расмий ташриф билан Буюк Британияда бўлиб турибди. Аввалроқ у Чарльз III нинг рафиқаси, консорт қиролича Камилла билан, шунингдек, Британия бош вазири Риши Сунак ва унинг рафиқаси Ашката Мурти билан учрашганди.

Британия бош вазирлари Риши Сунак ва Борис Жонсон Украина президенти Владимир Зеленский билан учрашиш учун Киевга борганди. Британия қироли Чарльз III билан эса Украина етакчиси ҳали кўришганича йўқ — У Россия билан тўлиқ кўламли уруш бошланганидан буён мамлакатни тарк этгани йўқ.

Аввалроқ Елена Зеленская BBC’га интервью бериб, Украина аҳолисининг катта қисми Евроиттифоққа аъзо бўлиш учун чироқсиз ва иссиқлик таъминотисиз яшашга тайёрлигини айтганди.

 

Мавзуга доир:

Изоҳ
Асосий янгиликлар
Маҳаллий
Тошкентда Туркиядаги зилзиладан жабр кўрганлар учун ёрдам қабул қилинмоқда
Шоу-бизнес
Қашшоқ оилада туғилган бўлса ҳам, ҳаётда ўз ўрнига эга бўлишни уддалаган Голливуд юлдузлари (фото)
Дунё
“Сталиндан кейинги иккинчи одам” — Маленковнинг ҳокимиятдан четлатилиши, боши танасидан жудо этилган Шотландия қироличаси ва Канадада тўқнашган икки поезд. Кун хро...