Бугун,

  • USD 11095.31
  • RUB 173.84
  • EUR 10772.44

Ўзбекистон Истиқболли лойиҳалар миллий агентлиги томонидан крипто-дўкон фаолиятини амалга ошириш учун «Crypto Express»га лицензия берилди. Бу ҳақда агентлик матбуот хизмати маълум қилди.

Фото: Bloomberg

Фото: Bloomberg

Тегишли маълумотлар лицензияларнинг электрон реестрига белгиланган тартибда киритилган. Улар агентликнинг расмий веб-саҳифасида фойдаланиш учун очиқ ҳисобланади.

Аввалроқ Ўзбекистонда крипто-дўкон фаолиятини амалга ошириш учун биринчи лицензиялар берилгани ҳақида хабар берилганди.

Ушбу биринчи лицензиялар «Crypto Trade NET» ва «Crypto Market»ларга берилган.

3 ноябрда Ўзбекистонда крипто-дўкон фаолиятини ташкил этиш тартиби белгиланганди.

Крипто-дўкон фаолиятини амалга ошириш қоидалари Адлия вазирлигида давлат рўйхатидан ўтказилди.

Қайд этилишича, мазкур қоидалар крипто-дўкон фаолиятини ташкил этиш ва амалга ошириш тартибини белгилайди.

Крипто-дўкон ўз фаолиятини крипто-дўконнинг электрон платформаси ёки савдо объекти орқали амалга оширади. Крипто-дўконда қуйидаги операциялар амалга оширилади.

Крипто-дўконнинг электрон платформаси орқали:

  • жисмоний шахслар томонидан банк ўтказмаларини амалга ошириш орқали крипто-активларни миллий валютада сотиб олиш ёки сотиш;
  • чет эллик жисмоний шахслар томонидан банк ўтказмаларини амалга ошириш орқали крипто-активларни хорижий валютада сотиб олиш ёки сотиш;

Крипто-дўконнинг савдо объекти орқали:

  • жисмоний шахслар томонидан банк ўтказмаларини амалга ошириш орқали крипто-активларни миллий валютада сотиб олиш;
  • мижозлар томонидан крипто-активларни нақд пул кўринишида миллий ёки хорижий валютада сотиб олиш;
  • мижозлар томонидан крипто-активларни фақат миллий валютада сотиш.

Крипто-дўконда қуйидаги операцияларни амалга ошириш тақиқланади:

  • мажбурий идентификациядан ўтказилмаган мижозлар билан амалга ошириладиган операциялар;
  • Ўзбекистон резидентлари томонидан чиқарилган крипто-активлар билан операциялар;
  • аноним крипто-активлар ҳамда ўзаро ўзгармас токенларни сотиб олиш ёки сотиш операциялари.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?