Криптовалюта биржаси FTX энг йирик 50 кредитордан 3,1 миллиард доллар қарздор. Бу ҳақда банкротлик судига тақдим этилган компания ҳужжатларига таяниб MarketWatch хабар бермоқда.
Ҳужжатда кредиторлар номи кўрсатилмаган, аммо улар мижозлар сифатида кўрсатилган. Лекин компания исми келтирилган икки кредиторнинг ҳар биридан 200 миллион доллардан ортиқ қарз.
FTX адвокатларига кўра, биржанинг турли ташкилотларида бир миллиондан ортиқ кредиторлар бўлиши мумкин.
11 ноябрда Багама оролларида рўйхатга олинган FTX криптовалюта биржасининг оператори FTX Group бизнесни қайта ташкил этиш имконини берувчи 11-боб бўйича банкротлик тўғрисида ариза берган.
Компаниянинг Twitter саҳифасида эълон қилинган баёнотида FTX Group бош директори Сем Банкмен Фрид истеъфога чиққани ҳам эълон қилинган. Унинг ўрнини бу лавозимда Жон Рей III эгаллаган.
Аввалроқ FTX криптобиржаси атрофида ликвидлик муаммолари туфайли можаро келиб чиққанди. Бунинг ортидан биткоин 15,6 минг долларгача пасайиб кетган.
FTX криптобиржасининг ўзи бир неча кун ичида 32 миллиард долларлик тузилмадан банкротлик ёқасига келиб қолди.
Мавзуга доир:
Изоҳ (0)