Фарғона ва Наманган аэропортларини қуюқ туман қоплади, рейслар кечикадиган бўлди
Фарғона водийсидаги аэропортлар фаолиятини 26 ноябрь куни кечга яқин қуюқ туман чеклаб қўйди. Фарғона ва Наманганга қўниши лозим бўлган рейслар Тошкентдаги муқобил аэродромга йўналтирилди.
Хусусан, об-ҳаво шароити туфайли кўриш масофаси 50 метрдан кам – «Аэрофлот» авиакомпаниясининг СU-1970 рейси Фарғона аэропортига қўна олмай, Тошкент халқаро аэропортига йўналтирилди. Самолёт пойтахтга маҳаллий вақт билан 18:33 да қўнди. Пойтахтдан Фарғонага учиш Тошкент вақти билан соат 07:00 да, Фарғонадан Москвага (Шереметьево) соат 08:50 да режалаштирилган.
Uzbekistan Airways авиакомпаниясининг Истанбулдан учган HY278 рейси маҳаллий вақт билан соат 20:47 да Тошкентга қўнди. Кўринишнинг ёмонлиги (200 метр) туфайли Наманган аэропорти ҳам Ямал авиакомпаниясининг Москвадан учган ЛЛМ9113 рейсини қабул қила олмади. Самолёт Тошкентга соат 17:46 да қўнди.
Дастлабки маълумотларга кўра, туман эртаси куни эрталабгача тарқалиши кутилмоқда. Яна бир нечта рейслар, хусусан, Ж91645/1646 Қувайт—Наманган—Қувайт (тахминий етиб келиш вақти — 22:10), ФЗ 781/782 Дубай—Наманган—Дубай (келиш — 01:20) ва ЛЛМ 9123/9114 Санкт-Петербург—Наманган—Москва (келиш соат 05:30), HY82 Тошкент—Фарғона (келиш 21:50) ва ҲҲ12 Тошкент—Фарғона (келиш соат 06:20) рейслари ҳам об-ҳаво шароити туфайли кечиктирилади.
Мавзуга доир:
- Фарғона—Тошкент авиарейси қолдирилди
- Париждан Тошкентга учган самолёт ноқулай об-ҳаво сабаб Самарқандга йўналтирилди
- Тошкентдан Москва, Истанбул, Дубай ва бошқа шаҳарларга режалаштирилган рейслар кечиктирилди