2022 йил 19 ноябрдан 11 декабргача Тошкент шаҳри аҳолиси ва меҳмонларини цирк оламига қизиқарли саёҳат кутмоқда!
Москванинг «Светной бульвар» хиёбонида жойлашган Никулин цирки жамоаси пойтахтимизда байрам дастурини намойиш этади! Унда Россия халқ артистлари, Россияда хизмат кўрсатган артистлар, халқаро фестиваллар лауреатлари ва совриндорлари қатнашади.
Дастур намойиши буюк санъаткор, бетакрор истеъдод соҳиби Юрий Никулин таваллудининг 100 йиллигига бағишланган.
Москванинг «Светной бульвар»идаги Никулин цирки – Россиядаги энг кекса цирклардан. Унинг ҳар бир чиқиши ёрқин, жўшқин ва қизиқарли томошадир. Ҳар бир саҳна кўриниши барча томошабинларни – катталарни ҳам, болаларни ҳам бевосита иштирокчига айлантиради.
Томошабинлар Сергей Ефтоде, Олга Геворкян бошчилигидаги узун таёқлар билан ишлайдиган акробатларнинг «Антипод» саҳна кўринишини, ҳаво гимнастлари, дорбозлар Валерий Свежов ва Екатерина Максимова, Кристина Гукнинг «Эркин турган нарвондаги жонглёр-эквилибрист» чиқишларини томоша қилишади.
«Қувноқ кучукчалар» томошаси (ҳайвон ўргатувчи Мингазовлар), Россия халқ артисти Виктор Кудрявсев ва Россияда хизмат кўрсатган артист Олга Кудрявсева раҳбарлиги остида ўргатилган айиқлар, ажойиб мусиқа, қувноқ масхарабозлар ва бошқа кўплаб қизиқарли чиқишлар – буларнинг бари Москванинг «Светной бульвар»идаги Никулин цирки тақдим этадиган томоша дастурида мужассам!
– Биз янги қизиқарли дастурни олиб келамиз, у сизга жуда ёқади, деган умиддаман. Сизни циркда кутамиз! Чунки цирк инсонни қувонтирадиган, завқлантирадиган ва ҳар томошаси умрни бироз узайтирадиган санъатдир, – дейди Москванинг «Светной бульвар»идаги Никулин цирки бош директори ва бадиий раҳбари Максим Никулин.
Томошалар 19, 20, 26, 27 ноябрь ва 3, 4, 10, 11 декабрь кунлари бўлиб ўтади.
Томоша давомийлиги – танаффус билан 2 соат 30 минут.
Чипталарни myticket.uz сайти ва Тошкент цирки кассаларидан харид қилиш мумкин.
Телефон: 95 169 87 87
Реклама ҳуқуқи асосида.
Изоҳ (0)