Туркий давлатлар ташкилоти доирасида 2023 йил — Ўзбекистон президентининг таклифи асосида Туркий цивилизациянинг юксалиш йили, деб эълон қилинди.
Шавкат Мирзиёев ушбу таклифини қўллаб-қувватлагани учун ташкилотга аъзо давлатлар раҳбарларига миннатдорчилик билдирди.
«Туркий дунёмизнинг ҳавас қилса арзийдиган буюк тарихи, улуғ аждодлари ва беқиёс бойликлари бор. Ва мен ишонаман, Туркий дунёни буюк келажак кутмоқда. Бу келажакни, ҳеч шубҳасиз, меҳнаткаш, бағрикенг ва олижаноб халқларимиз билан биргаликда яратамиз», — деди президент.
Самарқандда 11 ноябрь куни Шавкат Мирзиёев раислик қилаётган йиғилишда Озарбайжон президенти Илҳом Алиев, Қирғизистон президенти Садир Жапаров, Қозоғистон президенти Қосим-Жўмарт Тўқаев, Туркия президенти Ражаб Тоййиб Эрдўғон, кузатувчи мамлакат Венгрия бош вазири Виктор Орбан саммитнинг фахрий меҳмони — Туркманистон Миллий Кенгаши Халқ Маслаҳати раиси Гурбангули Бердимуҳамедов, шунингдек, ташкилот бош котиби Бағдод Амреев иштирок этмоқда.
Мавзуга доир:
Изоҳ (0)