Ўзбекистон футзал терма жамоаси 7 та гол урилган ўйинда Марокашга ютқазиб қўйди

Футзал бўйича Ўзбекистон миллий терма жамоаси 7 ноябрь, душанба куни Марокаш терма жамоасига қарши ўртоқлик ўйинида иштирок этди.

Работ шаҳрида бўлиб ўтган учрашувда мезбонлар 4:3 ҳисобидаги ғалабани қўлга киритди.

Марокаш сафида Суфиён Чаруи дубль қайд этган бўлса, Анас ал-Аяне ва Суфиён ал-Месрар эса биттадан голга муаллифлик қилган. Ўзбекистон сафида эса Даврон Чориев, Ихтиёр Ропиев ва Ҳусниддин Нишонов ўз ҳисобига гол ёздириб қўйди.

Жамоалар ўртасидаги яна бир ўйин 8 ноябрь куни бўлиб ўтади.