Mashhurlar doim hammaning e’tiborida bo‘ladi. Yo paparatssilar burchakdan suratga oladi yoki muxlis tasodifiy olingan kadrni ijtimoiy tarmoqlarga joylashtiradi. Ba’zan ushbu fotosuratlarda birinchi qarashda shunchaki zamonaviy aksessuar bo‘lib ko‘rinadigan zargarlik buyumlarini ko‘rish mumkin. Aslida esa bu buyumlarda maxfiy ishora yashiringan yoki biz tasavvur ham qila olmaydigan darajada ma’no bo‘ladi.
Britni Spirs
Sem Asgari va Britni Spirs 2021-yilning sentabrida, tanishganidan taxminan 5 yil o‘tib unashtirilgan. Xonandaning barmog‘idagi “Arslon” deb nomlangan nikoh uzugi e’tiborni tortadi. Bu so‘z uzukning ichki qismiga o‘yilgan va eri uni shu laqab bilan chaqiradi.
Shaya Labaf
Shaya otasiga bo‘lgan mehrini juda g‘alati tarzda ifodalaydi. Uning bo‘ynidagi tilla ramkada buyurtma asosida tayyorlangan kulon bor. Unda aktyor Jeffri Kreyg Labafning rodeo masxarabozi sifatida qo‘lda chizilgan kichkina surati aks ettirilgan.
Megan Foks
Meganning turmush o‘rtog‘i MGK bir yarim yillik tanishuvdan so‘ng, 2022-yil yanvar oyida unga turmush qurishni taklif qildi. Aktrisaning nikoh uzugi juda g‘ayrioddiy, u 2 ta yirik toshdan iborat.
“Odatda uzukda bitta tosh bo‘lishi kerakligini bilaman. Lekin bzi 2 toshli uzuk dizaynini yaratdik. Zumrad — uning toshidir, tug‘ilgan sanasi bo‘yicha Meganga mos keladi. Olmos — mening marvaridim. Ular bir qalbning ikki yarmi kabi bog‘lanadi, sevgimiz ramzi bo‘lgan yurakni tashkil qiladi”, — deydi MGK.
Keyt Middlton
Keytning nikoh uzuklari dizayni g‘oyasi oila tarixidan ilhomlanganini kam odam biladi. 1840-yilda, ularning to‘yi arafasida shahzoda Albert qirolicha Viktoriyaga sapfir broshini sovg‘a qiladi. Mazkur bezak shahzoda Charlzni malika Diana uchun nikoh uzugini tanlashda ilhomlantirgan. Mazkur zargarlik buyumlari ko‘rinishidan bir xil, chunki ikkalasi ham olmos doiraga o‘ralgan katta sapfirdan iborat.
Keyinchalik bu uzuk Diananing o‘g‘li shahzoda Uilyamga meros bo‘lib qoldi. Va u uzukni o‘sha paytdagi qaylig‘i —Keyt Middltonga sovg‘a qiladi.
Jonni Depp
1990-yillarda Jonni mashhur zargarga bosh suyagi shaklidagi uzuk va uning 3 ta nusxasiga buyurtma bergan. Nusxalar Deppning do‘stlari uchun mo‘ljallangan edi: Iggi Pop, Jim Jarmush va Jonatan Shou. To‘rt do‘st ma’lum bir klubga asos solgan va uzuklar unga a’zolikni bildirgan.
Qizil toshli kumush uzukdagi har bir belgi aktyor uchun chuqur ramziy ma’noga ega. 3 — uning sevimli raqami. Uzukning teskari tomonida joylashgan so‘roq belgisi 1997-yilda Deppning o‘zi tomonidan suratga olingan “Jasur” filmiga ishora bo‘lib, aktyorning hayot mazmunini izlashini anglatadi.
Gollivud yulduzining fikricha, hayot bir qator savollardan iborat va biz faqat ularga javob topib yashashimiz mumkin.
Megan Markl
Mashhur sport tadbiriga Megan 2 ta — bitta kichik olmos va bitta kattaroq olmos bilan bezatilgan uzuk taqib kelgan. Bu turli sohalarda bir-birini qo‘llab-quvvatlaydigan ayollarning ramzi. Bunday zargarlik buyumlarini taqish bilan bog‘liq harakat “Jimjiloq bilan va’dalashish” deb nomlanadi. Megan shu tariqa ayollar birdamligiga ishora qiladi.
Qirol Charlz III
Qirolning o‘n yillar oldingi va bugungi suratiga qarasangiz, uning kichkina barmog‘iga doim tilla uzuk taqib yurishini ko‘rishingiz mumkin. Bu muhrli uzukni ko‘pincha “jentlmen uzuk” deb atashadi. Bunday bezak insonning oilaviy merosining ramzi yoki uning ijtimoiy mavqeyini ko‘rsatishi mumkin.
Muhrli uzuk an’anaviy ravishda qo‘lning kichik barmog‘iga taqiladi. Aytgancha, monarx nikoh uzugiga bilan birga boshqa uzuk ham taqadi.
Keyt Uinslet
Leonardo Di Kaprio va Keyt Uinsletning do‘stligiga hamma havas qiladi. Ammo ular birgalikda suratga tushgan “Inqilobiy yo‘l” filmida Leo aktrisaga ajoyib tilla uzuk sovg‘a qilganini ko‘pchilik bilmaydi.
Unda maxsus o‘ymakor naqsh bo‘lib, Keyt bu nima ekanligini hech kimga aytmaydi. Aktrisa doim nikoh uzugi bilan birgalikda Di Kaprioning sovg‘asini taqib yuradi.
Izoh (0)