«Фожиа, улар даҳшатли ўйнади». «Рома» бош мураббийи Жозе Моуриньо жамоа ҳужумчиларини танқид қилди

«Рома» бош мураббийи Жозе Моуриньо Европа Лигасининг 4-туридан ўрин олган «Бетис»га қарши баҳсдан сўнг (1+1) Белотти ва Абраҳамни танқид остига олди.

Бу фожиа, улар даҳшатли эди, биринчи бўлим ёмон туш каби кечди. Улар мен сўраган нарсани қилмади. Танаффусдан кейин улар майдонга қип-қизил қулоқлар билан чиқди — мен уларга бақирдим. Иккинчи бўлимда вазият яхшиланди, гап фақат голда эмас, улар биргаликда ҳаракат қила олди.

Биз катта босим остида ўйнадик. Ўйин гўёки гуруҳ эмас, плей-офф босқичида бўлаётгандек. Агар ютқазганимизда, чиқиб кетардик. «Рома»да кўп жароҳатлар, дисквалификациялар, чарчоқ бор. Биз ўтган галги ўйинга таққослаганда 6 нафар футболчисини алмаштирган, кучга тўлган жамоа билан ўйнадик. Иккинчи бўлимда яхшироқ ўйнаб, муҳим бўлган очкони қўлга киритдик.

Олдинда икки ўйин турибди. Агар уларни мағлуб эта олмасак, гуруҳдан чиқиб кетамиз. Бироқ тақдиримиз бошқалар эмас, ўзимизнинг қўлимизда эканлиги яхши.

Жозе Моуриньо, «Рома» бош мураббийи