Таиланддаги болалар боғчасида отишма содир этилди. Оқибатда 34 киши ҳалок бўлди (видео)

Таиланд шимоли-шарқидаги болалар боғчасида номаълум қуролли шахс отишма содир этди. Оқибатда 34 киши ҳалок бўлди, улардан 22 нафари болалар. Бу ҳақда маҳаллий полиция вакилига таяниб Reuters хабар бермоқда.

Таиланднинг Khaosod нашри хабар беришича, яна 12 киши жабрланган, улардан саккиз нафарининг аҳволи оғир.

Воқеа Нонгбуалампху провинциясида содир бўлган. Қотил ўқотар қурол ва пичоқлар билан қуролланган. Ҳужум сабаблари ҳозирча номаълум, аммо ОАВ маълумотларига кўра, у аввал полицияда ишлаган ва яқинда ишдан бўшатилган эди.

Ҳужумчи воқеа жойидан беркинишга муваффақ бўлган. Бошқа маълумотларда эса у ўз жонига қасд қилгани айтилмоқда. Бошқа хабарларга кора, эркак хотини ва болаларини ҳам отиб ўлдирган.