Бугун,

  • USD 11095.31
  • RUB 173.84
  • EUR 10772.44

«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда янги — «Маҳалла. Муаммо. Мулоҳаза» лойиҳасини бошлади. Кўрсатувнинг 1-сони меҳмони Расул Кушербаев депутатлик фаолиятида юз берган муаммоли вазиятга тўхталди.

Фото: «Дарё» / Дилруҳ Исомиддинова

Фото: «Дарё» / Дилруҳ Исомиддинова
Бир куни Янгийўлдаги Гулбаҳор шаҳарчасида иккита кўча гумбурлатиб бузиб ташланган — уйлар-у деворлар қолмай. Ҳеч ким тушунмаяпти нима бўлаётганини. Ўзи 2018—2019 йиллар Ўзбекистон тарихидаги энг кўп бузишлар юз берган йиллар бўлди-ку. Ўшанда Президент администрацияси ходимлари ҳокимликдан келиб ўтириб олган бузасан деб.

Одамлар сўраяпти. Лекин «нима учун бузяпсан?» деган саволга жавоб йўқ. Зўравонлик бўлди-да. Аҳоли билан умуман тушунтириш олиб борилмаган экан, улар билмайди нега бунақа бўлаётганини.

Кейин мен кирдим ўша администрациянинг валломати олдига (ҳали ҳам ишлаб юргандир, менимча). Кириб, айтдим: «Эй барака топгур, нега аҳолига тушунтирмайсиз? Нега бузяпсизлар? Ҳеч бўлмаса, эски ва янги қиёфаси кўрсатилган макет қўйиб қўймайсизларми?».

Унинг жавобига қараганда, аҳоли, ҳатто, кўча нега бузилаётганини ҳам билмаслиги керак экан, чунки бу махфий маълумотмиш. Бунақа жиннича жавобни эшитиб ҳайрон бўлгандим ўшанда.

Энг қизиғи, «нима учун айнан мана шу иккита кўча бузилади, сабаб нима?» деб сўрасам, «сиз буларнинг ҳаммаси Ватан учун нима ҳисса қўшганини ҳисоблаганмисиз? Нега ёнини оляпсиз?» деган (кулади). Мен айтдимки, булар келиб давлатга нон топиб бер, иш топиб бер деб сўрамаяпти, шунинг ўзи фойда.

Шунақа паст дунёқарашли инсонлар ҳам ишларди. Энг катта инсон ҳуқуқлари бузилиши бўлганди ўшанда. Бориб, қаттиқ курашганмиз. Ва ҳалигача шунақа ишлар давом этяпти.

Баъзи жойларда ақл-ҳуши жойида, фаросатли, маданиятли ҳокимлар ҳам бор. Лекин тор дунёқарашли, ўқимаган, мактаб кўрмаганлари ҳам бор-да.

Баъзида ҳайрон қоламан булар мактабда ҳам ўқимаган шекилли деб. Шунақалар ҳам келиб қолган, афсуски, ҳали ҳам кетмаган. Ўшаларнинг касрига қийналиб ўтирибмиз, одамлар ҳам норози, — дейди депутат.

Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.

Изоҳ
Асосий янгиликлар
Дунё
Суриядаги курдлар Россиядан ҳудудларини ҳимоя қилишда ёрдам сўради
Маҳаллий
Ўзбекистонда 2023 йилда мева ва сабзавотлар нархи жиддий ўсиши кутилмоқда
Дунё
Ким Чен Ир топшириғи билан уюштирилган теракт, самолёт бошқариб ҳалокатга учраган «Формула-1» чемпиони ва немислар томонидан қатл этилган Космодемянская. Кун хроно...