Шавкат Мирзиёев 6 октябрь куни Сирдарё вилоятига ташрифи чоғида Сирдарё туманидаги «Арслон бобо» фермер хўжалигида фаоллар билан суҳбатлашди, деб хабар беради «Дарё» мухбири.
Давлат раҳбари Сирдарё вилоятига ташрифидан мақсадда ҳудудда яна қандай ўзгаришлар қилиш мумкин деган саволга жавоб олиш лозимлигини айтди.
«Аввал пахтада 4 ой вақтимиз ўтарди. Энг оғриқли муаммомиз — пахта далаларида устозларимиз, талабаларимиз бўларди. Ҳозир эса ҳамма ўқишда. Мен ўзим ҳам 11 йил мактабда ўқиган бўлсам ҳар йили 4 ой пахтада бўлардим», — деди президент.
Шавкат Мирзиёев Сирдарё туманидаги 38 та маҳаллани обод қилиш ишлари юзасидан ҳам фикрларини билдириб ўтди.
«Мени энг қийнайдиган муаммо — ёшлар тарбияси. Тарбия беришда нафақат ота-она, балки маҳалланинг ҳам ўрни беқиёс. Агар маҳаллаларимизни ривожлантирсак бу кўплаб соҳаларда ижобий таъсирини кўрсатиши аниқ», — деди президент.
Мавзуга доир:
Изоҳ (0)