«Икки йил ичида 400 минг доллар ишлаб топдим». Актёр ва режиссёр Азамат Аҳроров даромадлари ҳамда гив конкурс туфайли катта пулга тушиб қолгани ҳақида (видео)
«Қайсаргинам», «Нотаниш қотил» фильмлари ва «Кўча» сериалидаги роли орқали томошабинларнинг қалбидан жой олган актёр, режиссёр, продюсер Азамат Аҳроров гив конкурси сабаб катта пулга тушгани, икки йилда 300-400 минг доллар ишлаб топгани, клипларга қанчага суратга тушиши ва ойлик харажати ва даромади ҳақида гапирди.
Азамат Аҳроров гив сабаб катта пулга тушгани ҳақида
«Гив қилдим, ҳаром аралашди. Элёр Аҳмедов деган бола келди, гив қиламиз, 80 фоизи меники, 20 фоизи сизники деди. У халқдан 15 ёки 20 минг доллар пул йиғган. Менга 1000 доллар берди, аслида 8000 доллар бериши керак эди, ундан ташқари совға олишим керак эди. Менга 1200 ёки 2000 доллар берган, билмайман. У 190 та ёки 200 та ҳомийдан пул олган. Ҳар кимдан ҳар хил пул олган. Менга келиб бошлайлик деяпти, мен эса пулимни сўрадим. Юзим кетиб бўлган, мен ҳомийларнинг «гарант»ини ёпиб беришим керак. Гарант ёпаман деб реклама қиляпман, пул йўқ. Гивда на пул бор, на совға бор. Кейин гивни шахсий пулимдан ўйнадим.
У болани кимдир пичоқладими, бир нарсалар бўлиб кетди. Ҳозир у тўйларда бошловчилик қилиб юрибди, мени кўрса қочади. Очиқ айтаман, бу «машенниклик». Масалан, ҳозир гивга машина қўйяпти, эртаси куни бориб қарасангиз, Сергелида бозорда турган бўлади. Қайсидир гивимда ҳаром аралашганини билдим, мен бу жараёндан ўтиб бўлганимдан кейин шуни билдим. Билганимдан кейин, автоҳалокатга учрадим — шу жарликка тушиб кетганим ишларимга ҳаром аралашганидан», — дейди актёр.
Актёр икки йилда 300-400 минг доллар ишлаб топгани ва ҳаёти давомида бирорта қизга совчи қўймагани тўғрисида
«Ҳаётимда шу пайтгача бирорта қизга совчи қўймаганман. Қайсидир қизлар, актрисалар олдимда юрган, ёнимда бўлган ёки уйимда яшаган бўлиши мумкин. Улар ўзига ёқадиган сценарий қилиб олган. Мен ҳеч кимга совчи қўйиб ота-онамни юборганим йўқ. Айтишим керак бўлган ва айтмаслигим керак бўлган гаплар бор. Мен пулим бўладими ёки бўлмайдими, камбағал бўламанми, эркак кишиман, шунга мос бўлишим керак. Мен кимдир учун юриб туриб бошимни кўтариб юра олмайман.
Ундан кўра ўзим қийналиб ишимни қиламан. Улар гапираверсин, мен у гапни ўзимга эп кўрмайман. Мен 2019 йилдан бери, икки йил ичида 300-400 минг доллар пул топдим. Қайсидир бойнинг қизини олганимда ҳам бутун умримга 100 минг доллар пул берарди. Лекин мен ҳеч кимга бўйин эгмай шу пулни ўзим топяпман», — дейди Азамат Аҳроров.
«Кулгим келади, мени клипга чақиришяпти, мен эса 1500-2000 доллардан камига клипга чиқмайман деяпман. Хўп, блогерлар ҳам 700-800 доллардан чиқяпти-ку, улар ҳам ўйнайди, бироқ мен актёрман. Мен бошқа пул келадиган жой йўқ. Йилида битта ёки иккита клипда ўйнашим мумкин. Шунинг учун шунақа нархни сўрайман. Ака, Instagram’га қўйиб берасизми, деб сўрайди. Клипда ўйнашимнинг Instagram’га алоқаси йўқ. Мени актёр деб оляптими, клипни олиб хоҳлаган жойига қўйсин. Бу арзон танилиш ёки пиар қилиш ҳисобланади», — дейди актёр.
Азамат Аҳроров ойлик даромади ва харажатлари ҳақида
«Охирги сериалда суратга тушганимда, кунига 1000 доллар гонорар олдим. Энди ҳозир 8 кунлик ишимни пулини, яъни 8000 доллар олдим. Бир кунлик гонорарим қолиб кетган, суратга олиш ишлари тугагани учун ҳали бу пулни олмадим. Кунлик, бизнес ишларига тўлашимдан ташқари ойига 3000-4000 доллар кетади, оилавий харажатларга, машинанинг бензинига, умумий шу пул кетади. Топишим эса, масалан, ойига 10 000 доллар топаман. Ундан ташқари, кинодан ҳам пул топаман. Масалан, битта сериалдан 500 миллион ҳам топишим мумкин. Лекин бу пулни бир йилда ёки олти ойда топишим мумкин. Ўзимга ишлатмайман. Кинодан топадиган пулимни бошқа ҳеч нарсага аралаштирмайман, масалан, кинодан 1 миллиард топсам, шу пул ҳисобимда турган бўлади», — дейди Азамат Аҳроров.
Мавзуга доир:
- Instagram: Паризодага аталган романтик сюрприз, янги машинали бўлган Азамат Аҳроров, iPhone 14 харид қилган машҳурлар.
- Азамат Ахроров илк фильмига битта уйнинг пулини сарфлагани ҳамда Сўғдиёна Азимова билан дўстлиги жанжалдан бошлангани ҳақида (видео).
- Instagram: Озод Хуррамовнинг дабдабали туғилган куни, бир ўлимдан қолган Азамат Аҳроров, мухлисларини ҳайрон қолдирган Феруза Жуманиёзова.
- Instagram: Азамат Аҳроровнинг уйлангани ва икки фарзанди борлиги маълум бўлди, Севара Солиева учинчи марта она бўлди, рафиқасига янги машина совға қилган Шароф Муқимов.
